Ájiniyaz atındaǵı Nókis mámleketlik pedagogikalıq institutı Anıq pánler fakultetinde «Ashıq esikler kúni» sheńberinde studentlerdiń ata-anaları qatnasıwında ushırasıw shólkemlestirildi.

Bul ilaj ata-analardı perzentleri bilim alıp atırǵan ortalıq, jaratılǵan sharayatlar hám oqıw procesi menen jaqınnan tanıstırıwǵa xızmet etti.

Ushırasıwdı fakultet dekanı R.Jiyemuratov basqarıp bardı. Ushırasıw dawamında ata-analar menen ashıq pikirlesiw ótkerilip, olardı qızıqtırǵan sorawlarǵa juwaplar berildi.

Ilaj sońında fakultette belsendilik kórsetip atırǵan, mámleketlik stipendiyalar tańlawı jeńimpazı bolǵan hám pán olimpiadalarında joqarı nátiyjelerge erisken studentlerdiń ata-analarına minnetdarshılıq xatları tapsırıldı.

Bunday ushırasıwlar oqıw ornı hám ata-analar arasındaǵı birge islesiwdi ele de bekkemlewge xızmet etedi.