Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen student-qızlardıń jámiyetlik belsendiligin arttırıw, olardıń mashqalaları hám usınısların úyreniw, sonday-aq, qollap-quwatlaw maqsetinde «Basshı hám jaslar» ushırasıwı shólkemlestirildi.

Ushırasıwǵa Ózbekstan Respublikası Shańaraq hám hayal-qızlar komiteti baslıǵınıń birinshi orınbasarı U.Abdullaeva, Qaraqalpaqstan Respublikası Shańaraq hám hayal-qızlar komitetiniń baslıǵı M.Axmedova, Nókis qalası hákiminiń orınbasarı – Shańaraq hám hayal-qızlar bóliminiń baslıǵı Z.Dáwletnazarova, Nókis qalalıq Ishki isler uyımlarınıń jumısların muwapıqlastırıw basqarması hayal-qızlar máseleleri boyınsha aǵa inspektorı A.Namenova, institut rektorınıń hayal-qızlar máseleleri boyınsha másláhátshisi S.Bekchanova, fakultet dekanlarınıń másláhátshileri hám student-qızlar qatnastı.

Ushırasıw dawamında student-qızlardıń oqıw procesindegi belsendiligi, olardıń huqıq hám máplerin qorǵaw, bos waqtın mazmunlı shólkemlestiriw, kásiplik rawajlanıwına kómeklesiw sıyaqlı áhmiyetli máseleler dodalandı.

Ilajda sózge shıqqanlar tárepinen elimizde hayal-qızlardı qollap-quwatlaw, olardıń jámiyettegi ornın bekkemlew boyınsha ámelge asırılıp atırǵan reformalar haqqında tolıq maǵlıwmatlar berildi.

Ushırasıw dawamında student-qızlar ózlerin qızıqtırǵan sorawlarǵa juwap aldı, mashqalaları hám usınısların tikkeley basshılarǵa jetkeriw imkaniyatına iye boldı.

NMPI baspasóz xızmeti.