Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetinde «Ashıq esikler kúni» sheńberinde studentlerdiń ata-anaları menen ushırasıw ótkerilip, onda tálim-tárbiya máseleleri dodalandı.

Ushırasıwǵa rektordıń hayal-qızlar máseleleri boyınsha másláhátshisi S.Bekchanova, korrupciyaǵa qarsı gúresiw bóliminiń baslıǵı Sh.Shamuratov, fakultet dekanı M.Allambergenova, profilaktikalıq inspektorlar, kafedra baslıqları, professor-oqıtıwshılar, tyutorlar qatnastı.

Ilajda ata-analarǵa fakultette student-jaslardıń oqıwı, bos waqtın mazmunlı ótkeriwi, qábiletlerin júzege shıǵarıwı ushın jaratılǵan sharayatlar haqqında maǵlıwmatlar berildi.

Ushırasıw dawamında ata-analar menen jaslar tárbiyasındaǵı áhmiyetli wazıypalar dodalanıp, pikir almasıldı. Belsendi studentlerdiń ata-analarına minnetdarshılıq xatları tapsırıldı.