Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetiniń ilimiy-izertlewler, innovaciyalıq hám startap joybarlarǵa qızıǵıwshı student-qızları ushın ushırasıw shólkemlestirildi.

Fakultet tyutorı G.Artikova baslaması menen ótkerilgen ushırasıwda xalıqaralıq hám respublikalıq tańlawlardıń, grant joybarlarınıń jeńimpazı, instituttıń Tábiyiy pánler fakulteti biologiya tálim baǵdarınıń 3-kurs studenti Kúmisay Qızılbaeva student-qızlar ushın tańlawlar, olarǵa qatnasıw, joybarlar islep shıǵıw hám olardı ámeliyatqa engiziw boyınsha jańa bilim jáne kónlikpeler berdi.

Ushırasıw dawamında qatnasıwshı jaslar ózlerin qızıqtırǵan sorawlarǵa juwaplar aldı.

NMPI baspasóz xızmeti.