Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen ishki isler uyımları xızmetkerleri hám student-jaslar ushırasıwı bolıp ótti.

Ushırasıwǵa Nókis qalalıq Ishki isler basqarmasınıń baslıǵı, polkovnik Muhammedali Xojamuratov, onıń orınbasarı, podpolkovnik Arıslan Babajanov, Qaraqalpaqstan Respublikası Ishki isler ministrligi Kiberjınayatlarǵa qarsı gúresiw basqarması qánigesi, aǵa leytenant Atabek Xojaev, Nókis qalalıq Ishki isler basqarması terrorizmge qarsı gúresiw bólimi qánigesi Azamat Temirxanov, instituttıń jaslar tálim-tárbiyasına juwapkerleri, student-jaslar qatnastı.

Ushırasıwdı shólkemlestiriwden maqset – jaslardıń huqıqıy mádeniyatın arttırıw, nızamlarǵa húrmet ruwxın qáliplestiriw hám olardı hár qıylı unamsız illetlerden qorǵaw bolıp esaplanadı.

Ilaj dawamında taraw qánigeleri tárepinen elimizde tınıshlıq hám qáwipsizlikti támiyinlew baǵdarında ámelge asırılıp atırǵan jumıslar, jaslar arasında jınayatshılıqtıń aldın alıw, kiberqáwipsizlik hám huqıqbuzarlıqlardıń aqıbetleri haqqında tolıq maǵlıwmat berildi.

Jaslar ózlerin qızıqtırǵan sorawlar menen múrájat etip, qánigelerden anıq hám tolıq juwaplar aldı.

NMPI baspasóz xızmeti.