Ájiniyaz atındaǵı Nókis mámleketlik pedagogikalıq institutında student-qızlar arasında salamat turmıs tárizin úgit-násiyatlaw, olardı ulıwma insanıylıq, milliy hám shańaraqlıq qádiriyatlar tiykarında tárbiyalaw, sonday-aq, olardıń jámiyetlik belsendiligin arttırıw maqsetinde shólkemlestirilgen «Tumaris izbasarları» sport jarısınıń Qaraqalpaqstan Respublikası basqıshı ótkerildi.

Jarısta qatnasıwshılar komandanı tanıstırıw, 100 metrge hám estafeta juwırıw, oqjaydan atıw, darts, velosiped basqarıw, birinshi medicinalıq járdem sıyaqlı shártler boyınsha óz imkaniyatların, fizikalıq tayarlıqların kórsetiwge háreket etti.

Komandalardıń hár bir shárt boyınsha nátiyjelerin tóreshiler quramı aǵzaları bahalap bardı.

Jarıs juwmaǵında:

1-orın – Berdaq atındaǵı Qaraqalpaq mámleketlik universitetiniń «Tumaris urpaqları»;
2-orın – Nókis mámleketlik texnika universitetiniń «Turan qızları»;
3-orın – Ózbekstan mámleketlik dene tárbiya hám sport universiteti Nókis filialınıń «Olimp qızları» komandalarına nesip etti.

Jeńimpaz komanda jarıstıń respublikalıq basqıshına jollama aldı.

NMPI baspasóz xızmeti.