Tashkent qalasında sanaat kooperaciyası hám texnologiyalıq birge islesiwdi rawajlandırıwǵa baǵdarlanǵan Evraziya aymaǵındaǵı áhmiyetli xalıqaralıq ilajlardıń biri bolǵan «INNOPROM. Oraylıq Aziya» 6-xalıqaralıq sanaat kórgizbesi bolıp ótti.

Úsh kún dawam etken kórgizbege dúnyanıń 35 mámleketinen 5 200 den aslam xalıqaralıq kompaniyalardıń delegatları, on mıńnan aslam isbilermenler, mámleketlik shólkemler hám ekspertler jámiyetshiliginiń wákilleri qatnastı.

Kórgizbe sheńberinde sanaat, sonıń menen birge, bilimlendiriw tarawında birge islesiwdi keńeytiw hám aymaqlar aralıq baylanıslardı bekkemlewge baǵdarlanǵan bir qatar strategiyalıq áhmiyetke iye shártnamalar dúzildi.

Ilajda Ájiniyaz atındaǵı Nókis mámleketlik pedagogikalıq institutı ilimiy isler hám innovaciyalar boyınsha prorektorı w.w.a. T.Tadjiev, xalıqaralıq birge islesiw bólimi baslıǵı A.Bimbetov V.G.Korolenko atındaǵı Glazov mámleketlik injenerlik-pedagogikalıq universiteti rektorı Ya.CHigovskaya-Nazarova, xalıqaralıq birge islesiw bólimi baslıǵı T.Kubasova, joybar basshısı M.Ishutkina hám Rossiya Federaciyasınıń «Performans Lab» jámiyeti bas direktorı V.Kashirskiy menen ushırasıw ótkerdi.

Ushırasıw hám sóylesiwler juwmaǵında Glazov mámleketlik injenerlik-pedagogikalıq universiteti menen birge islesiw boyınsha shártnamaǵa qol qoyıldı.