Ájiniyaz atındaǵı Nókis mámleketlik pedagogikalıq institutı Tábiyiy pánler fakultetinde student-jaslardıń kásiplik hám shet tilleri boyınsha kónlikpelerin rawajlandırıwǵa baǵdarlanǵan «Work and Travel» baǵdarlaması haqqında maǵlıwmat beriw maqsetinde ushırasıw shólkemlestirildi.

Ushırasıwda fakultet dekanı Q.Reymov, instituttıń xalıqaralıq birge islesiw bólimi baslıǵı A.Bimbetov, sonday-aq, basqa juwapkerler tárepinen «Work and Travel» baǵdarlamasınıń mazmunı hám áhmiyeti, qatnasıw shártleri, hújjet tapsırıw tártibi jáne sırt elde jumıs islew hám sayaxat etiw imkaniyatları haqqında tolıq maǵlıwmat berildi. Baǵdarlama arqalı studentler jazǵı demalıs dáwirinde sırt elde waqıtsha jumıs islew, túrli mádeniyatlar menen tanısıw hám turmıslıq tájiriybesin arttırıwı múmkinligi atap ótildi.

Qatnasıwshılar ózlerin qızıqtırǵan sorawlarǵa juwaplar aldı.

NMPI baspasóz xızmeti.