Ájiniyaz atındaǵı Nókis mámleketlik pedagogikalıq institutı jáne Qaraqalpaqstan Respublikası Mektepke shekemgi hám mektep bilimlendiriw ministrligi tárepinen tastıyıqlanǵan qospa qarar tiykarında ulıwma bilim beriw mektepleriniń pitkeriwshi klass oqıwshıları arasında ximiya, biologiya hám fizika boyınsha kóp basqıshlı pán olimpiadasınıń institut basqıshı bolıp ótti.

Olimpiadaǵa dáslep rayonlıq, sońınan Qaraqalpaqstan Respublikası basqıshında joqarı nátiyjelerge erisken oqıwshı-jaslar qatnastı.

Pán olimpiadasınıń institut basqıshında belgilengen reje talaplarınan kelip shıǵıp ulıwma 100 ball toplaw imkaniyatın beretuǵın bes jazba imtixan sorawları hám bir laboratoriyalıq jumıs berildi.

Oqıwshılardıń nátiyjeleri instituttıń tájiriybeli professor-oqıtıwshıları tárepinen bahalandı.

Solay etip, ximiya, biologiya hám fizika pánleri olimpiadasınıń institut basqıshında jeńimpazlar hám sıylı orın iyeleri anıqlandı hám arnawlı sertifikatlar menen sıylıqlandı.

Jeńimpaz oqıwshılar haqqındaǵı maǵlıwmatlar olardı institutqa jeńillikli túrde qabıllaw ushın Joqarı bilimlendiriwdi rawajlandırıw izertlewleri hám aldınǵı texnologiyalardı engiziw orayına jiberiledi.

NMPI baspasóz xızmeti.