Ájiniyaz atındaǵı Nókis mámleketlik pedagogikalıq institutı Ellikqala fakultetinde professor-oqıtıwshılar, student-jaslar hám xızmetkerler arasında «Qaraqalpaqstan rawajlanıw jolında» oqıw-metodikalıq qollanbası keń úgit-násiyatlanıp, pikir almasıwlar hám talqılawlar ótkerilmekte.

Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń bayanatları tiykarında tayarlanǵan bul oqıw qollanbası respublikamızda sońǵı jıllarda húrmetli Prezidentimiz basshılıǵında alıp barılıp atırǵan keń kólemli reformalar, olardıń ámeliy nátiyjeleri haqqında sóz etedi.

Bul oqıw qollanba pedagog xızmetkerler hám studentlerge elimizdegi tariyxıy ózgerislerdiń áhmiyetin tereń túsindiriwde tiykarǵı baǵdarlama bolıp xızmet etpekte.