Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov Nókis qalasındaǵı 16-sanlı ulıwma bilim beriw mektebinde shólkemlestirilgen «Sońǵı qońıraw» ilajında qatnastı.

Ilaj dawamında pitkeriwshi jaslar, olardıń ata-anaları hám ustaz-oqıtıwshılarǵa qızǵın tilekler bildirildi. Sonday-aq, institut basshısı mámleketimizde jas áwladtı hár tárepleme qollap-quwatlaw, sapalı bilimlendiriw hám múnásip tárbiya beriwge qaratılıp atırǵan itibarǵa ayrıqsha toqtap ótti.

Ilajdıń saltanatlı bóliminde Quvondiq Qodirov tárepinen Ózbekstan Respublikası Prezidenti atınan pitkeriwshilerge jollanǵan qutlıqlaw oqıp esittirildi. Onda jaslardı Watanǵa sadıqlıq, joqarı maqsetlerge umtılıw, zamanagóy bilim hám kásip-ónerlerdi puqta iyelewge shaqıratuǵın jaqsı tilekler óz kórinisin tapqan.

«Sońǵı qońıraw» ilajı kóterińki ruwxta ótip, pitkeriwshiler ushın umıtılmas máwritlerge bay boldı.