1-iyun – Xalıqaralıq balalardı qorǵaw kúni múnásibeti menen Ájiniyaz atındaǵı Nókis mámleketlik pedagogikalıq institutı kásiplik awqamı komiteti tárepinen institut xızmetkerleri hám olardıń perzentleri ushın mazmunlı jáne umıtılmas sayaxat shólkemlestirildi.

Sapar baǵdarlaması sheńberinde qatnasıwshılar áyyemgi hám biytákirar tariyxıy-mádeniy miyrasqa iye bolǵan Úrgenish hám Xiywa qalalarında bolıp, elimizdiń bay tariyxı, milliy qádiriyatları hám arxitekturalıq estelikleri menen jaqınnan tanıstı.

Ásirese, balalar ushın shólkemlestirilgen bul sayaxat olarda tariyxıy orınlarǵa bolǵan qızıǵıwshılıqtı arttırıw, Watanǵa muhabbat hám milliy maqtanısh sezimlerin bekkemlewde úlken áhmiyetke iye boldı. Qatnasıwshılar sayaxat dawamında áyyemgi esteliklerdi tamashalap, kóplegen qızıqlı maǵlıwmatlarǵa iye boldı hám kewilli dem aldı.

Bul baslama institut jámááti hám olardıń perzentlerine bayram keypiyatın baǵıshlaw, shańaraqlıq qádiriyatlardı bekkemlew hám balalardıń mazmunlı dem alıwın támiyinlew maqsetinde shólkemlestirildi. Sayaxat qatnasıwshılarda jarqın tásirler qaldırıp, bayram kúniniń umıtılmas waqıyalarınan birine aylandı.

NMPI baspasóz xızmeti.