Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti geografiya tálim baǵdarınıń 2-kurs studentleri paytaxtımız Nókis qalası hám onıń átirapı, sonday-aq, Ámiwdárya, Beruniy, Ellikqala hám Taxtakópir rayonlarında qánigelik kompleksli geografiyalıq ámeliyat jumısların alıp bardı.

Dáslep fakultette metodistler hám ámeliyatshılar qatnasıwında ámeliyat wazıypalarına baǵıshlanǵan ámeliy-metodikalıq konferenciya shólkemlestirildi.

Ámeliyat dawamında studentler ámeliyat ótkeriletuǵın orınnıń landshaftların, klimatlıq, suw, jer, mineral, biologiyalıq hám rekreaciyalıq resursların bahalawdı úyrendi.

Sonıń menen birge, turizm geografiyası, transport geografiyası hám basqa tarawlar, sanaat-óndirislik kárxanalarda óndiris processleri, xalıq hám miynet resursları boyınsha teoriyalıq bilimlerin bekkemledi.