Búgin, 25-iyun kúni mámleketlik joqarı hám kásiplik bilimlendiriw shólkemlerine kiriw imtixanlarında qatnasıw ushın abiturientlerdi onlayn dizimge alıw juwmaqlanadı.

Abiturientler búgin (25-iyun) saat 23:59 ǵa shekem Bilimdi bahalaw agentliginiń my.uzbmb.uz platforması yamasa Birden-bir interaktiv mámleketlik xızmetler portalı – my.gov.uz arqalı onlayn dizimnen ótiwi múmkin.

Dizimnen ótiwde tek ǵana test sınaǵında qatnasatuǵın abiturientler:

– pánler kompleksi;
– oqıtıw tili;
– test tapsırıw aymaǵı;

Kásiplik (dóretiwshilik) imtixanlarda qatnasatuǵın abiturientler:

– oqıtıw tili;
– test tapsırıw aymaǵı;
– ayrıqsha qábilet talap etiletuǵın tálim baǵdarı;
– kásiplik (dóretiwshilik) imtixan tapsırılatuǵın joqarı oqıw ornın belgileydi.

Paydalı siltemeler:

Bakalavr tálim baǵdarları ushın pánler kompleksi;
Onlayn dizimnen ótiw boyınsha videoqollanba.

NMPI baspasóz xızmeti.