Bugun, 25-iyun kuni davlat oliy va kasbiy ta’lim tashkilotlariga kirish imtihonlarida ishtirok etish uchun abituriyentlarni onlayn ro‘yxatga olish yakunlanadi.

Abituriyentlar bugun (25-iyun) soat 23:59 gacha Bilimni baholash agentligining my.uzbmb.uz platformasi yoki Yagona interaktiv davlat xizmatlari portali – my.gov.uz orqali onlayn ro‘yxatdan o‘tishi mumkin.

Ro‘yxatdan o‘tishda faqat test sinovida qatnashadigan abituriyentlar:

– fanlar majmuasi;

– ta’lim tili;

– test topshirish hududi;

Kasbiy (ijodiy) imtihonlarda qatnashadigan abituriyentlar:

– ta’lim tili;

– test topshirish hududi;

– alohida iqtidor talab etiladigan ta’lim yo‘nalishi;

– kasbiy (ijodiy) imtihon topshiriladigan oliygohni belgilaydi.

Foydali havolalar:

Bakalavr ta’lim yo‘nalishlari uchun fanlar majmuasi;

Onlayn ro‘yxatdan o‘tish bo‘yicha videoqo‘llanma.

NukusDPI matbuot xizmati.