Ájiniyaz atındaǵı Nókis mámleketlik pedagogikalıq institutı Keńesiniń 2025-2026-oqıw jılındaǵı juwmaqlawshı májilisi bolıp ótti.

Májilisti institut rektorı w.a. Quvondiq Qodirov basqarıp bardı.

Kún tártibine muwapıq, májiliste tańlaw jumısları, atqarıw tártibi, puqaralardıń jazba hám awızeki múrájatları, studentler hám olardıń ata-analarınan kelip túsken usınıslar, arzalardıń kóriliwi, 2025-2026-oqıw jılınıń juwmaqları, usı jıldıń yanvar-iyun ayları aralıǵında professor-oqıtıwshılardıń qánigeligin jetilistiriw jobasınıń orınlanıwı, oqıw jılında studentlerdiń qánigelik-pedagogikalıq ámeliyatınıń juwmaqları, tayanısh doktorantlar hám ózbetinshe izleniwshilerdiń yarım jıllıq ilimiy-izertlew jumıslarınıń nátiyjeleri, materiallıq-texnikalıq bazanı bekkemlew, qarjı hám ekonomika tarawı jumıslarınıń juwmaqları jáne aldaǵı rejeler, ilimiy ataqlarǵa talaban professor-oqıtıwshılardıń hújjetlerin Joqarı attestaciyalıq komissiyaǵa usınıw, sonday-aq, basqa da aǵımdaǵı máseleler dodalandı.

Májiliste kórip shıǵılǵan máseleler boyınsha tiyisli qararlar qabıl etildi.

NMPI baspasóz xızmeti.