Qońırat rayonında 30-iyun – Jaslar kúni múnásibeti menen Qaraqalpaqstan Respublikası Joqarǵı Keńesi Baslıǵınıń orınbasarı Radjapbay Nurazizovtıń belsendi student-jaslar menen ushırasıwı bolıp ótti.

Ushırasıwda elimizde jaratılǵan sharayatlar hám imkaniyatlardan nátiyjeli paydalanıp, teńleslerine úlgi bolıp kiyatırǵan bir topar jaslar múnásip xoshametlendi.

Quwanıshlısı, olar arasında Ájiniyaz atındaǵı Nókis mámleketlik pedagogikalıq institutı biologiya qánigeliginiń 1-kurs magistrantı, BMSh Rawajlanıw baǵdarlamasınıń grantlar tańlawı, sonday-aq, Ibrayım Yusupov atındaǵı mámleketlik stipendiyası jeńimpazı Lobarxon Yuldashova hám baslawısh tálim baǵdarınıń 4-kurs studenti, kóplegen respublikalıq jáne xalıqaralıq tańlawlar, sonıń menen birge, Ibrayım Yusupov atındaǵı mámleketlik stipendiyası jeńimpazı Shahzoda Kaliknazarova Qaraqalpaqstan Respublikası Joqarǵı Keńesi Baslıǵı orınbasarınıń minnetdarshılıq xatları hám estelik sawǵalar menen sıylıqlandı.

NMPI baspasóz xızmeti.