Xabarıńız bar, usı jıldıń 7-8-iyul kúnleri Ájiniyaz atındaǵı Nókis mámleketlik pedagogikalıq institutında 2026-2027-oqıw jılı ushın qabıllawda bakalavriattıń ayrıqsha qábilet talap etiletuǵın tálim baǵdarlarına kásiplik (dóretiwshilik) imtixanlar bolıp ótedi.

Búgin, 6-iyul kúni institutta imtixanlardı joqarı dárejede, ádil hám belgilengen talaplar tiykarında ótkeriw máselelerine arnalǵan jıynalıs bolıp ótti.

Ilajǵa institut rektorı w.a. Quvondiq Qodirov, qabıllaw komissiyasınıń juwapkerleri, imtixanlardı shólkemlestiriw maqsetinde tiyisli ministrlikler hám shólkemlerden biriktirilgen qánigeler, bólimlerdiń juwapker wákilleri qatnastı.

Jıynalıs dawamında imtixan processleriniń ashıq-aydınlıǵı hám qalıslıǵın támiyinlew, abiturientler hám olardıń ata-anaları ushın zárúr sharayatlardı jaratıw, bahalaw kriteriyalarına qatań ámel etiw hám basqa da shólkemlestiriw máselelerin puqta jolǵa qoyıw boyınsha juwapkerlerge tiyisli tapsırmalar berildi.

Atap ótilgenindey, institutta kásiplik (dóretiwshilik) imtixanlardı ádil túrde, ashıq-aydınlıq hám nızamlılıq principleri tiykarında ótkeriw tiykarǵı wazıypalardıń biri bolıp tabıladı.

NMPI baspasóz xızmeti.