Búgin, 7-iyul kúni Namangan mámleketlik pedagogikalıq institutında «Jańa Ózbekstanda pedagogikalıq bilimlendiriw arxitekturasın jaratıwdıń áhmiyetli máseleleri» atamasındaǵı bilimlendiriw forumı bolıp ótti.

Forumǵa respublikamızdaǵı pedagogikalıq joqarı oqıw orınlarınıń basshıları, ministrlik hám jergilikli hákimlik wákilleri, belgili ilimpazlar hám taraw qánigeleri qatnastı.

Ilajǵa Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov ta qatnasıp, pedagogikalıq bilimlendiriw sistemasında basqarıw nátiyjeliligin arttırıw, ilimiy-metodikalıq birge islesiwdi bekkemlew hám rawajlandırıw boyınsha áhmiyetli baslamalardı alǵa qoydı.

Bul forum pedagogikalıq bilimlendiriw sistemasında jańa qatnaslardı belgilew, aldınǵı tájiriybelerdi keń en jaydırıw hám 2026-2027-oqıw jılına mólsherlengen baslı wazıypalardı dodalawda áhmiyetli dialog maydanı bolıp xızmet etpekte.

NMPI baspasóz xızmeti.