Ájiniyaz atındaǵı Nókis mámleketlik pedagogikalıq institutında 2026-2027-oqıw jılı ushın qabıllaw procesinde bakalavriattıń ayrıqsha qábilet talap etiletuǵın tálim baǵdarlarına kásiplik (dóretiwshilik) imtixanlar joqarı dárejede shólkemlestirildi.

Usı processte shólkemlestiriw hám basqa da jumıslarda ayrıqsha belsendilik kórsetken instituttıń «Qalqan» jámiyetlik toparı aǵzaları, sonday-aq, volontyor jaslarǵa Jaslar awqamı baslanǵısh shólkemi tárepinen minnetdarshılıq xatları tapsırıldı.

Jaslar jetekshisi Erniyaz Qasımov belsendi jaslar menen ushırasıwda kásiplik (dóretiwshilik) imtixanlardıń óz waqtında, ashıq-aydın hám ádil túrde ótiwinde olardıń xızmetlerin atap ótip, institut rektoratı hám qabıllaw komissiyası atınan minnetdarshılıq bildirdi.

NMPI baspasóz xızmeti.