Kafedra baslıǵı
Biologiya kafedrası
 |
Kafedra baslıǵı: | b.i.f.d., PhD. doc Berdibaev Abat Sultamuratovich |
| Tel.: | +99891 370 62 43 | |
| e-mail: |
Kafedra haqqında
Bilimlendiriw baǵdarları:
- 60510100 – Biologiya
Ájiniyaz atındaǵı Nókis mámleketlik pedagogikalıq institutı qayta shólkemlestiriliwi menen 1990-jılı Baslawısh bilim beriw metodikası fakultetinde Tábiyattanıw kafedrası shólkemlestirilip, onıń baslıqları etip Q.Qayıpbekov (1991) hám B.Xabipovlar (1992) tayınlanǵan.
2011-2025-jılları Zoologiya hám medicina tiykarları, Botanika, Zoologiya, Biologiya oqıtıw metodikası, Zoologiya, adam morfofiziologiyası hám onı oqıtıw metodikası, Botanika, ekologiya hám onı oqıtıw metodikası bolıp qáliplesti hám bul kafedralarǵa Sh.Allamuratov, R.Xalmuratova, Q.Atanazarov, M.Baltaboev, F.Otenova, R.Eshmuratov, U.Kudaybergenova basshılıq etken.
2025-jıldıń sentyabr ayınan baslap, kafedra atı “Biologiya” dep qayta shólkemlestirildi hám kafedraǵa b.f.d. PhD, docent A.S.Berdibaev basshılıq etip kelmekte.
Kafedrada 4 ilim doktorı, professorlar, 3 ilim kandidatı, docentler, 14 PhD, docentler hám 2 aǵa oqıtıwshı, 2 assistent oqıtıwshılar studentlerge bilim bermekte.
Kafedrada 60510100 – Biologiya bakalavriat tálim baǵdarı, 70510105 – Anıq hám tábiyǵıy pánlerdi oqıtıw metodikası (biologiya) magistratura qánigeligi hám Qazaqstan Respublikası L.N.Gumilev atındaǵı Evroaziya milliy universiteti menen 7M01513 – Biologiya qánigeligi hám Ájiniyaz atındaǵı NMPI 70510101 – Biologiya qánigeligi tiykarında 1+1 magistratura qospa bilimlendiriw jolǵa qoyılǵan.
Kafedramız tárepinen respublikamızǵa belgili ilimiy izertlew institutları, basqa da ilimiy shólkemler, JOOları menen birge islesiw boyınsha eki tárepleme shártnamalar dúzilgen bolıp, usı tiykarda kafedra izertlewshileri ózleriniń ustaz hám shákirtleri menen ilimiy izertlew jumısların alıp barmaqta.
Biologiya kafedrasında 03.00.05 – Botanika, 03.00.06 – Zoologiya, 03.00.10 – Ekologiya, 13.00.02 – Tálim-tárbiya teoriyası hám metodikası (biologiya) baǵdarları boyınsha tayanısh doktorantura shólkemlestirilgen hám onda doktorantlar ilimiy-izertlew jumısların alıp barmaqta.
Sońǵı 3 jıl dawamında biolog studentlerden: 1 student A.Nawayı atındaǵı mámleketlik stipendiya jeńimpazı, 1 student I.Karimov atındaǵı mámleketlik stipendiya jeńimpazı, 3 student Ájiniyaz atındaǵı stipendiya jeńimpazı, 1 student I.Yusupov atındaǵı stipendiya jeńimpazı bolıwǵa eristi.
Studentler hár jılı Respublikalıq hám xalıqaralıq kólemdegi konferenciyalarda, tańlawlarda hám pán olimpiadalarında belsene qatnasıp kelmekte.