Ruwxıy-aǵartıwshılıq hám ziyrek talabalar menen islesiw bólimi

Ruwxıy-aǵartıwshılıq hám ziyrek talabalar menen islesiw bólimi institutta alıp barılatuǵın ruwxıy-aǵartıwshılıq jumıslarǵa basshılıq etiw, bólimge tiyisli normativ hújjetlerge belgilengen kórsetpelerdi muwapıqlastırıw, bólimler, jámiyetlik jumıslarda hám kafedralardıń ruwxıy-aǵartıwshılıq baǵdarındaǵı tájiriybelerin ulıwmalastırıw, tárbiyalıq mazmunda ádebiyatlar tayarlaw hám baspadan shıǵarıw, talabalardıń ruwxıy dún’yasın qáliplestiriwge qaratılǵan is-ilajlardı ámelge asırıw maqsetinde dúziledi.
Ul ıwma qaǵıydalar:

• Bólim institut rektorınıń buyrıǵı tiykarında dúziledi;
• Bólimniń isshi toparı instituttıń usı taraw boyınsha jetekshi qánigeleri, professor-oqıtıwshılardan dúziledi;
• Bólim ruwxıylıq hám aǵartıwshılıq isleri boyınsha prorektor basshılıǵında jumıs alıp baradı;
• Óz jumısların jolǵa qoyıwdı bólim fakul’tet dekanları, bólim hám kafedra baslıqları, kuratorlar menen birgelikte alıp baradı;
• Joqarı hám orta arnawlı bilim ministrligi qasındaǵı Ruwxıylıq hám aǵartıwshılıq orayınıń Nızamı hám islep shıǵılǵan rejeler tiykarında jumıs alıp baradı.

Bólimniń maqseti:

• Talaba-jaslardı milliy hám ulıwmainsanıy miyraslarǵa sadıqlıq ruwxında tárbiyalaw, olardıń ruwxıy-estetikalıq dún’ya tanımın keńeytiw, hár qıylı unamsız illetlerden saqlaw, olardı bunday jollardan qaytarıw, Ǵárezsiz Ózbekstannıń haqıyqıy pidayı perzenti bolıp kamalǵa keliwin qáliplestiriwden ibarat.

Bólimniń wazıypaları:

• Mámleketimizde ámelge asırılıp atırǵan ruwxıy-aǵartıwshılıq islerine baylanıslı is-ilajlardı ótkeriw;
• Talaba-jaslar arasında ruwxıy, ádep-ikramlılıq, estetikalıq, siyasiy, huqıqıy sawatlılıq hám adamgershilik pazıyletlerin qáliplestiriwdi jolǵa qoyıw;
• Milliy úrp-ádetler, qádiryatlar tiykarında alıp barılatuǵın kesheler, ushırasıwlar shólkemlestiriw;
• Talabalardıń ruwxıy hám fizikalıq qábiletlerin qáliplestiriw maqsetinde alıp barılatuǵın jumıslardı shólkemlestiriwge járdem beriw;
• Institutta ruwxıy, ádep-ikramlılıq tárbiya jumısların belgilew, tiyisli normativ hújjetler hám usınıslar islep shıǵıw;
• Respublika Ruwxıylıq hám aǵartıwshılıq orayınıń qala, rayon bólimleri hámde mámleketimizde xızmet kórsetip kiyatırǵan fondlar, jámiyetlik shólkemler menen birgelikte ruwxıy-aǵartıwshılıq  jumısların jolǵa qoyıw;

Bólimniń huqıqları:

• Fakul’tetlerde alıp barılıp atırǵan ruwxıy-aǵartıwshılıq jumısların qadaǵalaw;
• Ruwxıy-aǵartıwshılıq jumıslarına baylanıslı ministrliktiń buyrıqları hám kórsetpeleriniń fakul’tetlerde orınlanıwın tekseriw;
• Fakul’tet dekanlarınıń ruwxıylıq hám aǵartıwshılıq isleri boyınsha orınbasarların saylaw hámde wazıypasınan azat etiwge baylanıslı májlislerde turaqlı túrde óz usınısları menen qatnasadı;
• Ruwxıy-aǵartıwshılıq hám tárbiyalıq máseleler boyınsha fakul’tet dekanları hám kafedra baslıqlarına kórsetpeler hám usınıslar beredi;
• Professor-oqıtıwshılardıń jıllıq júklemelerinde «Ruwxıy-aǵartıwshılıq jumısları» tarawına tiyisli bántiniń orınlanıwın qadaǵalaydı hám onı bahalaydı;
• Ruwxıylıq hám aǵartıwshılıq isleri boyınsha dekan orınbasarları tárepinen alıp barılǵan jumıslar boyınsha hár semestr juwmaǵında bólim baslıǵına esabat beredi;
• Ruwxıy-aǵartıwshılıq hám ziyrek talabalar menen alıp barılatuǵın jumıslardı jolǵa qoyıw, úlgili xızmet kórsetken bólim, fakul’tet, kafedra jámáátin materiallıq hám ruwxıy jaqtan xoshametlewge usınıslar beredi.