ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Xojalıq bólimi

Texnikalıq paydalanıw hám xojalıq bólimi baslıǵı:

Jaqsımuratov Bekbergen Aymuratovich

+93 920-66-07

bek 1961@inbox .uz

Texnikalıq paydalanıw hám xojalıq bóliminiń tiykarǵı wazıypaları tómendegilerden ibarat:

Institutqa qaraslı barlıq imaratlardı, olarda jaylasqan texnikalıq úskeneler hám inventarlardan ónimli paydalanıwdı shólkemlestiredi;

Instituttıń barlıq imaratlarındaǵı ıssı hám suwıq suw dizimleri, hám de ısıtıw diziminen durıs paydalanıwdı támiyinleydi;

Esap kórsetkishleriniń óz waqtında jazıp barılıwın qadaǵalaydı hám suw xojalıǵı kárxanaları menen tiyisli jumıslardı alıp baradı;

Aǵımdaǵı hám kapital qurılıs-ońlaw jumıslarınıń smeta hám joybarlar dúziw institutları menen birgelikte jumıs júritedi;

Institut hám joybar hújjetlerin saqlaydı hám olarǵa óz waqtında tiyisli ózgertiriwlerdi kiritip baradı;

Barlıq oqıw hám talabalar turar jayı imaratlarınıń qabatları hám xanaların keste tiykarında qadaǵalawdan ótkeredi, sonnan, elektr tarmaqları jaǵdayı, ıssılıq hám suwıq suw, ıssılıq diziminiń sazlıǵı, órt qáwipsizligi qaǵıydalarınıń saqlanıw jaǵdayı, sonday-aq, únemliliktiń saqlanıw jaǵdayların qadaǵalaydı;

Miynet tártibine boysınadı, basshılardıń buyrıq hám pármanlarınıń orınlanıwın támiyinleydi;

Joqarı maǵlıwmatlı, sıpayı, talapshań hám óz ústinde isleytuǵın bolıwı shárt;

Ózbekstan Respublikası Ministrler Kabinetiniń 1999 jıl 12 yanvar’daǵı 12-sanlı «Atqarıw tártibin bekkemlew is-ilájları haqqında»ǵı Qararına muwapıq, atqarıq tártibine, 1999 jıl 29 marttaǵı 140-sanlı qararı menen tastıyıqlanǵan hújjetler menen islew boyınsha Kórsetpe, Instituttıń Ustavı, Ishki tártip qaǵıydaları, Ilimiy Keńes qararları, Rektor buyrıqları hám de bilimlendiriw dizimine hám óz kásibine baylanıslı huqıqıy-normativ hújjetlerde qoyılǵan maqset hám wazıypalarǵa, sonday-aq, óziniń xızmet wazıypalarına boysınadı.

Respublikamızda bilimlendiriw sistemasın rawajlandırıwdıń sapalı basqıshına ótiw, joqarı oqıw orınlarında óz aldına ekonomikalıq tarawda nátiyjelilikti asırıwdıń jańa usılların izlep tabıw, byudjetten tısqarı qarejetler tabıw imkaniyatların keńeytiw hám olardan tiyimli paydalanıw instituttın texnikalıq paydalanıw hám xojalıq bóliminiń negizgi wazıypalarınıń biri bolıp qoyılmaqta.

Ózbekstan Respublikası Prezidentiniń 2017-jıl 20-aprel’degi «Joqarı bilimlendiriw dizimin jánede rawajlandırıw is-ilájları haqqında»ǵı PQ-2909-sanlı Qararınıń orınlanıwınıń támiyinleniwine baylansılı institut auditoriya fondın jeterli dárejege keltiriw hám imaratlardıń texnikalıq jaǵdayın jaqsılaw maqsetinde Investiciya Dástúri sheńberinde jańadan qurılıwı lazım bolǵan oqıw hám jataqxana imaratları, institut aymaǵında qurılatuǵın jańa imaratlar orınları, institut ob’ektlerinde ámelge asırılıwı lazım bolǵan qurılıs ońlaw jumısları rejelestirilmekte.

Sonnan:

  1. 2018 jılı 2000 orınǵa mólsherlengen jańa ókıu imaratı qurılısı.
  2. 2019 jılı jańa oqıw hám bas imarat qurılısınıń dawamı.
  3. 2019 jılı instituttıń 400 orınlıq hám 100 orınlıq talabalar turar jayı imaratlarınıń rekonstrukciyası.
  4. 2020 jılı 950 orınlıq oqıw imaratı rekonstrukciyası hám usı imarattaǵı kólemi 12×24 m bolǵan sport zalınıń iri qurılıs ońlaw jumısları.
  5. 2021 jılı 710 orınlıq oqıw imaratı rekonstrukciyası hám usı imaratta jaylasqan kólemi 16×30 m bolǵan sport zalınıń iri qurılıs ońlaw jumısları.

Usı Dástúr sheńberinde instituttıń auditoriya fondın jeterli dárejege keltiriw hám institut imaratlarınıń texnikalıq jaǵdayların jaqsılaw maqsetinde Investiciya Dástúri sheńberinde jańadan qurılıwı tiyis bolǵan okıw hám talabalar turar jayı imaratları, institut aymaǵında qurılıwı rejelestirilgen jańa imarat orınları, institut ob’ektlerinde ámelge asırılıwı lazım bolǵan qurılıs ońlaw jumısları hám de olardı mebel’, oqıw, laboratoriya úskeneleri, komp’yuter texnikası hám de basqa inventar’lar menen támiyinlew boyınsha joybarlar islep shıǵılıp, Ózbekstan Respublikası Ministrler Kabinetiniń 2017-jıl 8-noyabr’degi 1250-sanlı Biyligi hám usı biyliktiń protokolı tiykarında Investiciya Dástúri rejesine qurılısshı shólkemler kiritildi.

Házirgi waqıtta smeta joybar hújjetlerin tayarlaw jumısları alıp barılmaqta.