Magistratura bólimi baslıǵı	Embergenov  Ansatbay Palwanovich
	Tel.:
	e-mail:
	web saytı:	magistratura.ndpi.uz

Mámlekette Prezidentimiz pármanı menen social-ekonomikalıq tarawlarda júz berip atırǵan túpten ózgeriwler menen bir qatarda bilimlendiriw tarawında da úlken ózgerisler júz berdi. Bilimlendiriw sistemasındaǵı ózgerislerdiń nátiyjesi hám Ózbekstan Respublikası Joqarı oqıw orınlarına qabıl etiw komissiyasınıń 2002-jıl 14-iyundaǵı 2 sanlı protokolına tiykarlanıp Ájiniyaz atındaǵı Nókis mámleketlik pedagogikalıq institutında 2002-2003 oqıw jılında joqarı oqıw orınlarında bilim beriwdiń ekinshi basqıshı magistratura qánigelikleri ashılıp magistrantlar tayarlana baslandı.

 

 2002 jıldan baslap magistratura shólkemlestirilip, oǵan f.m.i.k., docent B.Ibragimov (2002-2003jj.), b.i.k A.Ajiev, (2002-2003jj.), p.i.k Sh.Buranova (2004-2005 jj.) basshılıq etti. 2006-2007 oqıw jılınan baslap magistratura óz aldına magistratura bólimi sıpatında qayta dúzildi. Usı waqıttan baslap bólimge pedagogika ilimleriniń kandidatı, docent U.Seytjanova basshılıq etti. 2006-2007 oqıw jılında magistratura bólimine «Matematika», «Fizika», «Biologiya», «Tariyx», «Geografiya», «Informatika», «Baslawısh tálim», «Pedagogika», «Psixologiya», «Qaraqalpaq tili», «Qaraqalpaq ádebiyatı», «Ózbek tili», «Rus tili» qánigelikleri boyınsha 206 magistrant oqıwǵa qabıl etildi.

2019-2020 oqıw jılında 5A112001-Dene tárbiya hám sport shınıǵıwları teoriyası hám metodikаsı, 5A110801-Súwretlew óneri hám ámeliy bezew óneri, 5A111101-Muzıka tálimi hám kórkem óner qánigelikleri qosılıp magistrantlar oqıwǵa qabıl etildi.

            Magistratura bóliminde magistrantlarǵa tálim-tárbiya beriwde, zaman talaplarına say kadrlar jetilistiriwde kólemli jumıslar alıp barıldı. 2007-2008 oqıw jılında Magistratura bólimi «Pedagogika» qánigeliginniń 2 kurs magistrantı Amangul Turdımuratova «Prezident stipendiyası» jeńimpazı boldı.

            2008-2009 oqıw jılında qaraqalpaq tili qánigeligin Qubla Koreyadan kelgen magistrant Ryu Yung Ming qaraqalpaq tili qánigeligi boyınsha magistraturanı tabıslı tamamladı. Bul magistrant óziniń ilimiy basshısı, filologiya ilimleriniń kandidatı, docent A.Pirniyazova menen birge islesip «Qaraqalpaq hám koreys tillerindegi kómekshi feyillerdi salıstırmalı izertlew» degen atamadaǵı magistrlik dissertaciyasın joqarı dárejede jaqlap shıqtı.

2020-jıl dekabr ayında Magistratura bólimi Súwretlew óneri hám ámeliy bezew óneri magistrantı Polatjan Abdreymov xalıqaralıq kórkem óner «Turan» sıylıǵınıń laureatı boldı.

2022-jıl aprel ayında Magistratura bólimi Súwretlew óneri hám ámeliy bezew óneri magistrantı Sadıq Esebaev Ózbekstan Kórkem óner akademiyasınıń xalıqaralıq Súwretlew hám ámeliy kórkem óner festivalı altın medalı menen sıylıqlandı.

2022-jıl may ayında Nızamiy atındaǵı Tashkent mámleketlik pedagogikalıq universiteti Muzıkalıq tálim fakulteti tárepinen ótkerilgen «Muanbar navolar» xalıqaralıq tańlawında Ájiniyaz atındaǵı Nókis mámleketlik pedagogikalıq institutı Magistratura bólimi Muzıka tálimi hám kórkem óner qánigeligi magistrantları – Dámexan Chapaeva hám Gózzal Xafizovalar qatnasıp, joqarı nátiyjelerdi qolǵa kirgizdi.Tańlawda dástúriy atqarıwshılıq baǵdarında qatnasqan D.Chapaeva joqarı dárejeli, akademiyalıq vokal baǵdarında G.Xafizova úshinshi dárejeli diplomlar menen sıylıqlandı.

 

 2013 jıldan baslap magistratura bólimine fizika-matematika ilimleriniń doktorı A.Kamalov (2013-2014jj.), f.m.i.k B.Atashov, (2014-2017jj.), f-m.i.d., (DSc) B.Yavidov (2017-2020jj.)  basshılıq etti. Házirgi waqıtta magistratura bólimin doc. filos.i.k Embergenov Ansatbay basqarıp, metodistler Ziyawatdin Uteniyazov hám Asrar Saparovlar bólimniń ulıwma xızmetin shólkemlestiriw jumısların alıp barmaqta.

Búgingi kúnde magistratura bóliminde 22 qánigelik boyınsha jámi 1018 magistrant bolıp, olar qaraqalpaq hám ózbek tálim tillerinde bilim almaqta. 1-kursta 662 magistrant, al 2-kursta 356 magistrant 22 qánigelik boyınsha tálim almaqta.

            Magistratura bóliminde «Tálimde xabar texnologiyaları», «Tábiyiy hám anıq pánlerdi oqıtıw metodikası (biologiya»), «Social-gumanitar pánlerdi oqıtıw metodikası ( tariyx)», «Tálim hám tárbiya teoriyası hám metodikası (baslawısh tálim)», «Social-gumanitar pánlerdi oqıtıw metodikası (ruwxıylıq tiykarları)», “Pedagogika teoriyası hám tariyxı», « Pedagogika hám psixologiya» hám « Ózbek tili va adabiyoti», Anıq hám tábiyǵıy pánlerdi oqıtıw metodikası (ximiya), Tábiyǵıy hám anıq pánlerdi oqıtıw metodikası (biologiya), Tábiyǵıy hám anıq pánlerdi oqıtıw metodikası (geografiya), Ana tili hám ádebiyatı (qazaq tili hám ádebiyatı), Inglis tili hám ádebiyatı qánigelikleri boyınsha magistrantlar tálim alıp, olarǵa 24 kafedranıń jetekshi professor-oqıtıwshıları ustazlıq etip hám olardıń ilimiy-izzertlew jumıslarına basshılıq etip kelmekte. Magistratura bóliminde 24 kafedra boyınsha bilim beretuǵın ulıwma 53 professor oqıtıwshılardan 11 ilim doktorı, 42 docent hám ilim kandidatları sabaq ótip, ilimiy jumıslarına basshılıq etip atır. Olardan ilim doktorları, professorlar: filologiya ilimleriniń doktorları, professorlar K.Qurambaev, Yu.Ibragimov, biologiya ilimleriniń doktorları, professorlar B.Allamuratov, tariyx ilimleriniń doktorları Ya.Abdullaeva, M.Sarıbaev, B.Qoshanov, pedagogika ilimleriniń doktorı O.Alewov, T.Utebaev, texnika ilimleriniń doktorları B.Qaypbergenov, Q.Seytnazarovlar magistrantlarǵa ilim-bilim sırların úyretip, olardıń magistrlik dissertaciya jumıslarına basshılıq etpekte.

Sonday-aq magistrantlarımızǵa Respublikamızdıń eń kórnekli joqarı oqıw orınlarınan, ilimiy-izertlew institutlarınan kelgen akademik hám pán doktorları lekciyalar oqıydı. Magistratura bóliminde Buxara, Qashqadarya, Nawayı, Samarqand, Sırdarya, Tashkent hám Xorezm wálayatlarınan kelip, magistrantlar bilim almaqta. Magistrantlarǵa tiykarǵı sabaqlardan basqa shet tili, informatika pánleri boyınsha qosımsha shuǵıllanıwǵa imkaniyatlar jaratılǵan. Oqıw processinde jańa pedagogikalıq texnologiyalardı qollanıw qızǵın ámelge asırılmaqta. Magistrantlar institutımızdıń axborot resurs orayındaǵı ádebiyatlardan, elektron kitapxanadan hám biypul internet Wi-Fi tarmaǵınan paydalanıw huqıqına iye.

 Instituttıń elektron kitapxanasında magistraturada ótiletuǵın hár bir pán boyınsha lekciya tekstleri hám basqada oqıw – metodikalıq ádebiyatlardıń elektron versiyaları bar. Sonday-aq magistratura bólimi ushın axborot resurs orayı shólkemlestirilip, kompyuterler menen támiyinlengen hám magistrantlar ushın elektron oqıw zalı paydalanıwǵa berildi. Qosımsha jańa ádebiyatlar menen támiyinlenip, házirgi kúnde magistrantlar ushın xızmet etedi.

 Magistratura bólimi házirgi waqıtta Ózbekstan Respublikasınıń joqarı oqıw orınları Ózbekstan Mámleketlik jáhán tiller, Samarqand mámleketlik, Ózbekstan Milliy, Qaraqalpaqstan mámleketlik universitetleri, Buxara, Qoqand, Samarqand mámleketlik pedagogikalıq institutları, Tashkent axborot texnologiyaları universiteti Qaraqalpaqstan filialı menen úzliksiz baylanısta. Ilimiy — pedagogikalıq hám ilimiy izertlew ámeliyatın ótkeriw boyınsha qánigelik kafedralar tárepinen dástúrler islep shıǵılǵan hám bul ámeliyatlardı ótkeriletuǵın joqarı oqıw orınları, kásip — óner kollejleri, akademiyalıq liceyler hám ilimiy-izertlew institutları menen shártnamalar dúzilgen.

Magistrantlar xalqımızdıń belgili ilimpazları, basshıları, shayırları, miynet hám urıs veteranları menen ushırasıw shólkemlestiriledi. Magistratura bóliminde tálim-tárbiyanıń sapasın arttırıw, ilimiy-pedagogikalıq kadrlardı jetilistiriw jumısların jánede jaqsılaw maqsetinde is-ilajlar islep shıǵılǵan. Magistrantlarımız institut hám Respublikamız kóleminde bolıp ótetuǵın ilimiy-teoriyalıq anjumanlarda belsene qatnasıp kelmekte. Házirgi waqıtta institutımız magistrantları tamanınan ilimiy-izertlew jumıslarına tiykarlanǵan ilimiy jurnallarda hám ilimiy-ámeliy ánjuman toplamlarında maqalaları baspadan basılıp shıqpaqta.

70110101-Pedagogika tariyхı hám teoriyası

70110102-Pedagogika hám psiхologiya

70110103-Bilimlendiriw mekemelerin basqarıw

70110201-Tálim hám tárbiya teoriyası hám metodikası (mektepke shekemgi tálim)

70110501-Tálim hám tárbiya teoriyası hám metodikası (baslawısh tálim)

70110601-Anıq hám tábiyiy pánlerdi oqıtıw metodikası (matematika)

70110602-Tálimde хabar teхnologiyaları

70110701-Anıq hám tábiyiy pánlerdi oqıtıw metodikası (fizika hám astronomiya)

70110801-Anıq hám tábiyiy pánlerdi oqıtıw metodikası (хimiya)

70110901-Anıq hám tábiyiy pánlerdi oqıtıw metodikası (biologiya)

70111001-Anıq hám tábiyiy pánlerdi oqıtıw metodikası (geografiya),

70111101-Social-gumanitar pánlerdi oqıtıw metodikası (tariyх)

70111201-Súwretlew óneri hám ámeliy bezew óneri

70111301-Muzıka tálimi hám kórkem óner

70111401-Ózbek tili hám ádebiyatı

70111501-Ana tili hám ádebiyatı (rus tili hám ádebiyatı

70111501-Ana tili hám ádebiyatı (qaraqalpaq tili hám ádebiyatı),

70111501-Ana tili hám ádebiyatı (qazaq tili hám ádebiyatı)

70111801-Shet tili hám ádebiyatı (inglis tili)

70112101-Social-gumanitar pánlerdi oqıtıw metodikası (ruwхıylıq tiykarları)

70112201-Dene tárbiya hám sport shınıǵıwları teoriyası hám metodikаsı

70112301-Tálim hám tárbiya teoriyası hám metodikası (teхnologiyalıq tálim)