Kafedra baslıǵı:	f.i.k. docent S.Matyakupov
	tel.:	+998(61)229-40-69
	e-mail:	filologiy@ndpi.uz
	web sayt:	filfak-ndpi.uz

Bakalavr tálim baǵdarları

5111200-ózbek tili hám ádebiyatı

5112400-ózge tilli toparlarda ózbek tili

Magistratura qánigeligi

5A111201- ózbek tili hám ádebiyatı

 

2021-2022-oqiw jilinan baslap:

60111400 – ózbek tili hám ádebiyatı

60111600 – ózge tilli toparlarda ózbek tili

70111401 – ózbek tili hám ádebiyatı

 

Kafedra aǵzalarınan:

ilim doktorı professor — 1,

ilim kandidatı dosent — 2,  

filologiya ilimleri boyınsha filosofiya doktorı (PhD) docent — 3,

filologiya ilimleri boyınsha filosofiya doktorı (PhD) – 2,

assistent oqıtıwshı -2.

Kafedrada ilimiy dárejelilik 80 % quraydı.

Ózbek tili hám ádebiyatı tálim baǵdarı talabaları bir neshe jıllardan berli Respublika pán olimpiadaları hám hár túrli tańlawlarda qatnasıp sıylıqlı orınlardı iyelep kelmekte

Kafedra qánige kadrlar tayarlaw hám ziyrek talabalar menen islesiw boyınsha bir qansha jetiskenliklerge eristi. Atap aytqanda sońǵı jıllarda kafedra ziyrek talabalarınan 5 talaba institutta shólkemlestirilgen İbrayım Yusupov hám Ájiniyaz atındaǵı, 3 talaba Ózbekstan Respublikası bakalavrları ushın shólkemlestirilgen Nawayı atındaǵı mámleketlik stipendiyalar jeńimpazı boldı.

Bunnan basqada ziyrek talabalardıń kórkem dóretpelerinen ibarat 5 qosıqlar toplamı baspadan shıqtı.

Búgingi kúnge shekem kafedra professor-oqıtıwshıları tárepinen onlap monografiyalar hám oqıw hámde oqıw metodik qollanbalar baspadan shıǵarıldı, júzlep maqalalar járiyalandı.

Atap aytqanda, sońǵı jıllarda kafedra aǵzaları tárepinen tómendegi oqıw ádebiyatları baspadan shıǵarıldı:  

— S.Matyakupov, S.Bekchanova, N.Allambergenova. “Folklor amaliyotini tashkil etish” (metodikalıq kórsetpe, birgeliktegi avtorlıq) 2018, NMPİ baspaxanası;

— S.Matyakupov. “O‘zbek adabiyoti tarixi fanidan kurs ishi mavzulari va uni bajarish bo‘yicha tavsiyalar” (metodikalıq kórsetpe)  2018, NMPİ baspaxanası;

— S.Bekchanova, N.Allambergenova. “Umumta’lim maktablarida xalq og‘zaki ijodi namunalarini o‘rgatish”. 2018, NMPİ baspaxanası;

— S.Matyakupov. “Istiqlol davri o‘zbek adabiyotining nazariy masalalari (she’riyat va hikoyachilik)” (oqıw qollanba) Tashkent, “Tafakkur bo‘stoni” 2020;

— F.Sapaeva. “Maxtimquli asarlari tarjimalarining qiyosiy tahlili (monografiya)” Tashkent, “Tafakkur bo‘stoni”, 2020;

— F.Sapaeva. “Matnshunoslik fanidan ma’ruza mashg‘ulotlarini tashkil etish” (oqıw metodikalıq qollanba) Tashkent, “Tafakkur bo‘stoni”, 2020;

— F.Sapaeva. “Hozirgi adabiy jarayon (oqıw qollanba)” “Tafakkur bo‘stoni”, 2020;

— K.Quramboev. “Navoiyning ijod bo‘stonidan ilhomlanib”  (monografiya) Tashkent “O‘zbekiston”, 2021.

Kafedrada 2015-2020-jılǵa shekem “O‘zbek va turkiy xalqlar adabiyotining o‘zaro aloqasi, taraqqiyot tendensiyalari” temasında ilimiy izertlew jumısları alıp barıldı. Usı tema sheńberinde pánler aralıq baylanıs, sonday-aq awdarmashılıq, folklortanıwshılıq tarawları boyınsha monografiya, oqıw ádebiyatları jaratıldı. Bunnan basqada, kafedra aǵzalarınıń dissertaciya temaları, magistrlıq dissertaciyalari, pitkeriw qánigelik jumısları temalarıda kafedranıń ulıwmalıq temaları sheńberinde belgilendi.

2021- jıldan baslap kafedrada “Turkiy xalqlar adabiyotining dolzarb masalalari: adabiyot nazariyasi, adabiy jarayon, folklorshunoslik, adabiy aloqalar, tarjimashunoslik va metodikani tadqiq etishda innovatsion yondashuvlar” temasında ilimiy izertlew jumısları alıp barılmaqta. 

Kafedra https://www.youtube.com/channel/UCutnleDqLJyzOYtLlCxRVoA/videos youtube.com kanalında ózbek tili hám ádebiyatın oqıtıw boyınsha jaylastırılǵan videosabaqları talabalar, pán oqıtıwshıları hámde  respublikamız hám shet ellerdegi ózbek tili hám ádebiyatın úyreniwshiler ushın áhmiyetli derek bolıp xızmet qıladı.

Kafedrada Turkiya Respublikası Ankara hámdu Istanbul universitetleri menen dúzilgen memorandumlar tiykarında birge islesiw baylanısları ornatılǵan. Sonday aq túrkiy tilli mámleketlerdiń abıraylı joqarı oqıw orınları menen birgelikte turaqlı túrde xalıqaralıq ilimiy-ámeliy konferenciyalar shólkemlestirilip kelinedi