Kafedra baslıǵı:	Z.Kurbaniyazova
	e-mail:	z3482740@umail.uz
	tel.:	+998(97) 348-27-40
	kafedra saytı:

Baslawısh tálim kafedrası dáslep 1966-jılı shólkemlestirilip oǵan professor J.Orınbaev soń S.Qosnazarovlar basshılıq qılǵan. Onıń dáslepki atı  Baslawısh tálim metodikası kafedrası bolıp, 1990-jılı jańadan shólkemlestirilgen Ájiniyaz atındaǵı Nókis mámleketlik pedagogikalıq institutınıń ashılıwı menen birge dúzildi. 1998-jılı Ózbekistan Respublikası Ministrler Kabineti janındaǵı Joqarı hám orta arnawlı bilimlendiriw mákemelerin attestaciyalaw  kommissiyası basqarmasınıń inspektorı Sh.Rayxanovtıń usınısı menen bul kafedra ataması Baslawısh tálim teoriyası hám metodikasi kafedrasi bolıp ózgertildi. 1998-jılı bul kafedra quramına muzıka hám onı oqıtıw metodikası kafedrası birlestirildi.  Bul kafedranıń qosılıwı tiykarınan 1998-1999 oqıw jılı rejesindegi muzıka sabaqlarınıń qısqarıwına baylanıslı boldı. 2001-jılı bolsa institut Ilimiy keńesiniń qararına muwapıq bul kafedraǵa pedagogika kafedrası qosıldı. 2001-2008 jılǵa shekem Baslawısh tálim teoriyası ham metodikası kafedrasınıń atı «Pedagogika hám baslawısh tálim metodikası kafedrası bolıp ataldı. 2008-2015 jıllarǵa shekem Baslawısh tálim metodikası ataması menen, al 2015 jıldan bugingi kúnge shekem Baslawısh tálim kafedrası bolıp atalıp kelinbekte. 1998-2017 jıllarǵa shekem kafedranı filologiya ilimleriniń doktorı M.Ayımbetov basqardı. 2017-2019 jıllarǵa shekem kafedranı filologiya ilimleriniń kandidatı S.Shınnazarova basqardı. 2019-jıldan baslap pedagogika ilimleriniń kandidatı Z.Kurbaniyazova basqarıp kelmekte. Házirgi waqıtta kafedrada quramında 20 pedagog-xızmetker ilimiy pedagogikalıq jumıslardı alıp barmaqta. Kafedrada 2 ilim kandidatı 2 (Phd) doktor bolıp ilimiy dárejeli kadrlar menen támiynleniw  dárejesi 25 % ti quraydı. Sońǵı 5 jılda  (2013-2018) jıllar aralıǵında 10 oqıw hám metodikalıq qollanbalar, joqarı attestaciya komissiyasınıń  talaplarına juwap beretuǵın 70 ten artıq maqala járiyalandı. Kafedra: 1.«Ana tilin oqıtıwdıń aktual’ máseleleri » 2. «Házirgi zaman pedagogikasınıń  mashqlaları»  atlı temalar ústinde  ilimiy  jumıslar alıp barmaqta. Kafedranıń aǵzaları ziyrek talabalar menen  úzliksiz  ráwishte jumıs alıp barmaqta. Termiz mámleketlik pedagogika universitetinde  ótkizilgen Ózbekistan  Joqarı tálim mákemeleri arasında pán olimpiadalarında pedagogika  páni boyınsha   2003- jılı 4-topar talabası  Z.Ajimova  III-orın, 2004-jılı  3-topar  talabası  B. Utambetova III orındı iyeledi. Kafedra pedagog oqıtıwshıları kadrlardı tayarlawdıń milliy dástúri   hám jańa pedagogik texnologiyalardı turmısqa  engiziw jumısların úzliksiz ráwishte alıp barmaqta. Baslawısh tálim qánigeligin rawajlandırıw jolında «Qoraqalpaqstan  Respublikasına miyneti sińgen ilim ǵayratkeri», «Ózbekstanǵa xızmet kórsetken ilim ǵayratkeri», pedagogika ilimleriniń  kandidatı Q.Qosnazarov,  «Qaraqalpaqstan Respublikasına miyneti sińgen xalıq bilimlendiriw aǵlası, pedagogika ilimleriniń  kandidatı  J.Qayırbaevlardıń  miynetlerin ayrıqsha aytıp ótiwimiz kerek. 1990-1995-jıllarda tanıqlı metodist alım, docent Q.Pirniyazov Baslawısh tálim teoriyası metodikası kafedrasında xızmet kórsetti. Kafedra jámááti tárepinen  ruwhıy  hám aǵartıwshılıq jumıslar boyınsha itibarǵa ılayıq jumıslar alıp barılmaqta. Tek ǵana 2014-jıldıń ózinde bul jámáttiń  dúzgen scenariyi boyınsha «Qaraqalpaq fil’m» «Qaraqalpaq fol’klorı», «Úlkemiz ǵáziynesi»  hújjetli fil’mleri Respublika xalqına usınıldı. Házirgi waqıttı kafedrada  17 professor-oqıtıwshı  xızmet júritpekte. Olardan 4  professor-oqıtıwshı  docent hám ilim kandidatları. Kafedrada ilimiy-pedagogik kadrlar tayarlaw máselesine úlken itibar qaratılmaqta. 2018-jılı kafedra oqıtıwshısı Nagmetova Nursulıw Muratbaevna doktorlıq dissertaciya jumısın qorǵap keldi. 

Kafedrada jumıs  alıp  barıp atırǵan professor-oqıtıwshılar

• Qurbaniyazova Zamira Qalbaevna 1972–jılı 1-mayda Qaraqalpaqstan Respublikası Kegeyli rayonında tuwılǵan. 2017–jıldan aslap «Baslawısh tálim» kafedrasında  oqıtıwshı lawazımında islep kelmekte. 2002 jıldıń 23-noyabr’ kúni  «Tárbiyalıq jumıslar processinde  qıwshılarda milliy ózlikti ańlawdı qáliplestiriwdiń pedagogikalıq tiykarları» temasında kandidatlıq dissertaciyasın qorǵadı. Ol 30 dan artıq ilimiy maqala, 50 den artıq tezis, 4 metodikalıq qollanba, 2 oqıw qollanba  hám1 sabaqlıq avtorı.
• Nagmetova Nursulu Muratbaevna 1983–jılı 19-noyabrde Qaraqalpaqstan Respublikası Qońırat rayonında tuwılǵan. 2010–jıldan baslap «Baslawısh tálim» kafedrasında  oqıtıwshı lawazımında islep kelmekte. 2018 jıldıń 15-may kúni  «Ulıwma orta tálim mekteplerinde óspirimlerdi erkin turmısqa tayarlawdıń pedagogikalıq mexanizmlerin qáliplestiriw» temasında doktorlıq  dissertaciyasın (PhD) qorǵadı. Ol 27 den artıq ilimiy maqala 18  den artıq tezis 1  metodikalıq qollanba  hám 1 oqıw  kursı  avtorı.
• Zarımbetova Gulzira Kosherbaevna Zarımbetova Gulzira Kosherbaevna 1970-jılı 15-iyun’de Qaraqalpaqstan Respublikası Nókis qalasında tuwılǵan 2005-2017 jıllarda pedinstitutta Baslawısh tálim kafedrasında oqıtıwshı bolıp isledi. Baslawısh tálim kafedrasında assistent oqıtıwshı lawazımında islep atır.   G.Zarımbetova  «Qaraqalpaq xalıq erteklerindegi tálim tárbiyalıq pikirler» degen temada doktorlıq dissertaciya jumısı ustinde islep atır. Ilimiy basshısı pedagogika ilimleriniń doktorı,professor Ó.Alewov. Keyingi 5-jıl ishinde 6-tezis, 2-metodikalıq qollanba, 1-shet elde konferenciya matetiallarında tezis járiyalandı
• Kalendarova Zarafshan Kalbaevna 1974-jılı 31-dekabr’ kúni Xojeli rayonında tuwılǵan. 1996-jılı Ájiniyaz atındaǵı Nókis mámleketlik pedagogikalıq institutın tamamlaǵan.2003-jılı qánigeligi boyınsha instituttıń kundizgi bwlim aspiranturasın tamamlaǵan. 13.00.02 – Tálim hám tarbiya teoriyasi hám metodikası (matematika) qánigeligi pedagogika ilimleri boyınsha filosofiya doktori (PhD) dárejesin alıw maqsetinde «Mektepke shekemgi jastaǵı bolalarda matematikalıq tasavvurlarni qáliplestiriwdiń zamanagoylik teoriyası hám metodikası (Mektepke shekemgi jastaǵı toparlar mısalında)» temasında dissertaciya jumısın islep atır. 2018-jılı 26-sentyabr’ kúni kafedradan, 2018-jılı 18-oktyabr’ kúni T.N.Qori-Niyoziy nomidagi Wzbekiston pedagogika fanlari ilmiy tadqiqot instituti Qoraqalpoǵiston filialinda dodalawdan ótti.  30 dan aslam ilimiy maqalaları hám tezisleri baspada járiyalandı. Sonıń ishinde 3 oqıw metodikalıq qollanba 1 oqıw qollanba hám 1sózlik baspadan shıqtı. 2004-jıldan baslap baslawısh tálim kafedrasınıń asisstenti bolıp islep atır.
• Abdijabbarova Jamila Tlepbaevna Qaraqalpaqstan Respublikası Nókis qalası 1969-jılı 28-iyun’da tuwılǵan. Milleti qaraqalpaq. Baslawısh tálim kafedrasında 1991-jıldan baslap oqıtıwshı bolıp isleydi. Ilimiy teması: «Qaraqalpaq xalq pedagogikasında qızlardı shańaraq turmısına tayarlaw» Ilimiy basshısı akademik J.Bazarbaev. Ol 48 den aslam maqala, 25 ten aslam tezis, 4 metodikalıq qollanba, 1oqıw qollanbanıń avtorı.
• Mırzabekova Ǵumsha Xojabekovna-1971-jılı Qaraqalpaqstan Respublikası Shomanay rayonında 1971-jılı 14-mayda tuwılǵan.Milleti qaraqalpaq.Baslawısh tálim kafedrasında 2006-jıldan baslap oqıtıwshı bolıp isleydi.Ilimiy teması: « Baslawısh klass oqıwshıların xabar hám pedagogikalıq texnologiyalar arqalı oqıtıwdıń teoriyalıq hám ámeliy tiykarları».Ilimiy basshısı- pedagogika ilimleriniń doktorı ,professor Mamat Haydarov.G.Mırzabekova 20 dan aslam maqala,15 ten aslam tezis 1 oqıw qollanbanıń avtorı.
• Xojanov Bahadır Keunimjaevich, 1977-jılı 7-fevralda Kegeyli rayonında zıyalılar shańaraǵında tuwılǵan. 1993-jılı Ájiniyaz atındaǵı Nókis mámleketlik pedagogikalıq institutınıń matematika-informatika qánigeligine oqıwǵa kirip, 1998-jılı tabıslı tamamlaǵan. Ájiniyaz atındaǵı Nókis mámleketlik pedagogikalıq institutınıń «Baslawısh tálim» kafedrasında 2004-jıldan baslap assistent oqıtıwshı bolıp isleydi. Házirgi kúnde «Sabaqtan tısqarı shınıǵıwlar processinde ekolog úgit-násiyatshılar tayarlawdı jedellestiriw (aral boyı mektepleri mısalında)» (PhD) doktorlıq dissertaciya jumısı ústinde jumıs alıp barmaqta. Ol 12 den zıyat maqala, 11 tezis, 2 metodikalıq qollanbanıń avtorı.
• Tajbenova Saule Sarsengalievna Tajbenova Saule Sarsengalievna 1981-jılı 21-martta Qaraqalpaqstan Respublikası Nókis  qalasında tuwılǵan. 1998-2004-jıllarda  Ájiniyaz atındaǵı Nókis mámleketlik pedagogikalıq institutınıń «Baslawısh tálim metodikası hám ádeptanıw» tálim baǵdarı boyınsha bakalavr dárejesin, «Baslawısh tálim» qánigeligi boyınsha magistr dárejesin  tamamladı. 2004-jıldan baslap Nókis mámleketlik pedagogikalıq institutında Baslawısh tálim kafedrasında  oqıtıwshı bolıp  islep atır. Házirgi kúnde «Ana tili sabaqlarında oqıwshılardı teoriyalıq bilimlerdi ámelde qollawǵa úyretiw metodikası» (PhD) doktorlıq dissertaciya  jumısı ústinde jumıs alıp barıp atır. Ol 14  den aslam maqalaları, 11 den aslam tezisleri, 1 metodikalıq qollanbanıń avtorı.
• Najimova Aysara Dúysenbaevna Najimova Aysara Duysenbaevna 1981-jılı 21-avgustta Qaraqalpaqstan Respublikası Kegeyli rayonında  tuwılǵan. 2002-2008-jıllarda  Ájiniyaz atındaǵı Nókis mámleketlik pedagogikalıq institutınıń «Baslawısh tálim hám tárbiyalıq is» tálim baǵdarı boyınsha bakalavr dárejesin, «Baslawısh tálim» qánigeligi boyınsha magistr dárejesin  tamamladı. 2008-jıldan Nókis mámleketlik pedagogikalıq institutta Baslawısh tálim kafedrasında  oqıtıwshı bolıp  islep atır. Házirgi kúnde «Ana tili sabaqlarında oqıwshılar til baylıǵın rawajlandırıwǵa xızmet etetuǵın shınıǵıwlar sisteması (tálim qaraqalpaq hám ózbek tillerinde alıp barılatuǵın baslawısh klasslar)» (PhD) doktorlıq dissertaciya  jumısı ústinde jumıs alıp barıp atır. Ol 12  den aslam maqalaları, 12 den aslam tezisleri, 1 metodikalıq qollanbanıń avtorı. 
• Baynazarov Timur Abılaevich 1983-jılı 21-martta Qaraqalpaqstan Respublikası Nókis qalasında tuwılǵan.   2009-jıldan baslap Baslawısh tálim kafedrasında assistent oqıtıwshı lawazımında islep atır.            Baynazarova Timur Ablaevich  «Boshlanǵich ta’lim fanlarini axborot texnologiyalari bilan integraciyalash mexanizmlari» degen temada doktorlıq dissertaciya jumısı ustinde islep atır. Ilimiy basshısı pedagogika ilimleriniń doktorı, professor N.Taylakov. Keyingi 5-jıl ishinde 5-tezis, 3-maqala, 1-shet elde konferenciya matetiallarında tezis járiyalandı.
• Xudaybergenova Zamira İsqaqovna 1985-jılı 19-noyabr’de Qaraqalpaqstan Respublikası Shomanay rayonında tuwılǵan. 2014-2016-jıllarda Ájiniyaz atındaǵı NMPI da «Baslawısh tálim» kafedrasında pán kabineti mengeriwshisi bolıp isledi. 2017-jıldan may ayınan baslap tańlaw tiykarında «Baslawısh tálim» kafedrasınıń assistent okıtıwshı  lawazımına qabıl etildi.
•  Ilimiy jumıs teması «Baslawısh klasslarda qaraqalpak tili sabaqlıǵınıń jańa áwladın jaratıwdıń aktual máseleleri»,  ilimiy basshısı professor M.Q. Ayımbetov. Ol 3 maqala, 5 tezis, 1 qollanba avtorı. 2018-jıl sentyabr’-oktyabr’ aylarında Nizamiy atındaǵı TMPU qasındaǵı Pedagog kadrlardı qayta tayarlaw hám qánigesin asırıw  orayında «Pedagogikalıq  texnologiya hám pedagogikalıq sheberlik» baǵdarı boyınsha oqıp, 288 saattı orınlap qayttı.
• Abdijamilova Maxfuza Maxmudovna 1988-jılı 30-iyun’da Qaraqalpaqstan Respublikası Ámiwdár’ya rayonında tuwılǵan. 2016-2017-jıllarda Ájiniyaz atındaǵı NMPI da «Baslawısh tálim» kafedrasında pán kabineti mengeriwshisi bolıp isledi. 2017-jıldan sentyabr’  ayınan baslap «Baslawısh tálim» kafedrasınıń assistent okıtıwshı  lawazımına qabıl etildi.
•  Ilimiy jumıs teması «Baslawısh klasslarda qaraqalpak tili sabaqlıǵınıń jańa áwladın jaratıwdıń aktual máseleleri» (ózbek klassları mısalında),  ilimiy basshısı professor M.Q. Ayımbetov.
• Ol 2 maqala, 3 tezis avtorı.
• Xojaniyazova Inkar Jumanazarovna 1983-jılı 6-oktyabr’de Qaraqalpaqstan Respublikası Qaraózek rayonında tuwılǵan. 2008-2017-jıllarda Nókis pedagogika kolledjinde Pedagogika-psixologiya kafedrasında oqıtıwshı bolıp  isledi. 2017-jıldan pedinstituttıń Baslawısh tálim kafedrasında assistent oqıtıwshı lawazımında islep atır. 2018-jılı 12-aprel’de «Baslawısh klass oqıwshılarında sabaqlardı ózlestiriwdiń didaktikalıq imkaniyatların jetilistiriw» degen doktorlıq dissertaciya (PhD) teması institut Keńesinde tastıyıqlanǵan hǝmde Ózbekstan Respublikası Joqarı Attestaciya komissiyası Byulleteninde jǝriyalaw ushın jiberilgen. Ilimiy basshısı – pedagogika ilimleri kandidatı, docent Bekimbetova Aynagul’. 2017-jıldan berli 5 tezisleri baspadan shıǵarılǵan.
•