Nókis mámleketlik pedagogikalıq institutında «Ulıwma pedagogika hám psixologiya» kafedrası eń dáslep 1934-jılı shólkemlestiriledi. Professor  Ya.M. Dosumov, J.A. Orınbaev,  docent A.G. Timasheva hám basqalar Qaraqalpaq Mámleketlik pedagogika institutında «Pedagogika hám psixologiya» kafedrasın shólkemlestiriwge at salıstı. 1935-jılı kafedranı   docent N.D. Shepkina basqarǵan.

1950-jılı Qaraqalpaq mámleketlik biriktirilgen pedagogika hám muǵallimler  institutınıń «Pedagogika hám psixologiya» kafedrasında professor S.A. Mankovskiy, R. Muratova, M. Bekbasov, J. Urumbaev, M. Pertsova, U. Prenov, İ. Golshteyn hám basqalar islegen.

1956-jıldan 1960-jılǵa shekem «Pedagogika hám psixologiya» kafedrasınıń baslıǵı bolıp psixologiya ilimleri kandidatı, dotsent A.B. Bekbasov islegen.

1960-1967 jılları pedagogika ilimleriniń kandidatı, docent R.G. Timasheva basqarǵan.

1967-1973 jılları kafedraǵa pedagogika ilimleri doktorı, professor J. Urumbaev basshılıq etken.

Nókis mámleketlik pedagogikalıq institutı 1990-jılı qaytadan shólkemlestirilgennen keyin pedagogika pánine ayrıqsha dıqqat itibar qaratıldı. Pedagogikalıq institutta 1990-jıldıń ózinde-aq, fakultetler aralıq «Pedagogika hám psixologiya» kafedrası  shólkemlestiriledi.

1990-1994-jılǵa deyin kafedraǵa pedagogika ilimleriniń kandidatı, docent B. Sultamuratov basshılıq etedi.

1994-1997-jıllarda kafedraǵa pedagogika ilimleri doktorı, professor Ó. Álewov basshılıq etken. Sol waqıttan baslap kafedrada ilimiy-pedagogikalıq kadrlar tayarlawǵa úlken dıqqat awdarılǵan.

Usı jıllar dawamında kafedranıń ilimiy potenciyalı belgili dárejede bekkemlendi. Kafedra oqıtıwshılarınan Sh. Saparov, M. O’tepbergenovlar Nizamiy atındaǵı Tashkent pedagogika institutınıń aspiranturasın tabıslı tamamlap, dissertaciyasın jaqlap, psixologiya ilimleri kandidatı ilimiy dárejesin iyeleydi.

1995-jılı kafedra «Pedagogika» hám «Psixologiya» kafedrası bolıp ekige bólinedi. Kafedraǵa 1997-1999-jılları pedagogika ilimleriniń kandidatı, docent İ. Allaniyazov,  1999-2007-jılları pedagogika ilimleriniń kandidatı, docent U. Seytjanova, 2007-2017-jıllar aralıǵında pedagogika ilimleriniń kandidatı P. Berdanovalar basshılıq etip kelgen. 2017-jıldan baslap, házirgi waqıtta pedagogika ilimleriniń doktorı, docent T. Utebaev basshılıq etip kelmekte. Kafedrada 1 ilim doktorı, 4 ilim kandidatları, dotsentler, 6 úlken oqıtıwshı hám 13 assistent oqıtıwshı jumıs islep atır.