Fakultet dekani:	Asamaddinov Ergash Allambergenovich
	tel.:
	e-mail:
	veb sayt:

Nókis mámleketlik pedagogikalıq institutınıń Ellikqala pedagogika fakulteti 2019-jıl 24-iyul kúni Joqarı hám orta arnawlı bilimlendiriw ministrliginiń 669-sanlı buyrıǵı menen Qaraqalpaqstan Respublikası Ellikqala rayonındaǵı Bostan akademiyalıq liceyi bazasında shólkemlestirildi. Fakultettiń 720 orınǵa ie oqıw imaratı hám 2 imarattan ibarat 300 orınlıq studentler turaq jayı bar. Sonday-aq, oqıw imaratında sport zal, gimnastika zalı, 300 orınlıq asxana, 1700 kitap (900 i oqıw qollanba, 615 i jámietlik-siyasiy, 65 i sabaqlıq hám 120 ı kórkem ádebiyatlar) fondına ie kitapxana hám onıń 50 orınlıq oqıw zalı jáne kompyuter xanası, Shet tillerin oqıtıwǵa mólsherlengen sońǵı úlgidegi kompyuter klass xanası, 300 orınǵa mólsherlengen májilisler zalı, 100 orınǵa mólsherlengen bayanat zalları bar.

Ellikqala rayonında pedagogika fakultetiniń shólkemlestiriliwi Qaraqalpaqstan Respublikasınıń qubla rayonları hám de qońsılas Xorezm wálayatınan kelip bilim alıp atırǵan studentler ushın júdá úlken imkaniyat boldı. 2019-2020-oqıw jılı baslanıwı menen instituttıń Ellikqala pedagogika fakultetinde oqıw tilegin bildirgen Matematika oqıtıw metodikası, Ózbek tili hám ádebiyatı, Dene mádeniyatı, Baslawısh bilimlendiriw hám sport tárbiyalıq isi, Inglis tili hám ádebiyatı, Mektepke shekemgi bilimlendiriw qánigelikleriniń 350 den aslam studentleri fakultette oqıw procesin basladı. Olarǵa fakultettiń Sociallıq-gumanitarlıq pánler, Anıq hám tábiyǵıy pánler kafedralarınıń professor-oqıtıwshıları tálim bermekte.

 Studentlerdiń oqıw sabaqları baslanıwı menen birge Prezidentimizdiń 5 áhmietli baslaması sheńberinde sabaqlardan tısqarı waqıtlarda sport, pán dógerekleri, kompyuter sawatlılıǵı dógerekleri shólkemlestirildi. Sonday-aq, fakultet studentleriniń Creative – Quwnaqlar hám ziyrekler jámááti hám 2019-jıl dawamında ótkerilgen rayon hám fakultet kólemindegi Mámleketlik til haqqındaǵı, Muǵallimler hám ustazlar kúni, Mámleketlik nıshanlarǵa baǵıshlap ótkerilgen bayram ilajlarında belsene qatnasıp kiyatırǵan fakultettiń kórkem-dóretiwshilik hám teatrlastırılǵan jas student háweskerler jámáátleri óz jumısların rawajlandırıp barmaqta. Studentler arasında sporttıń voleybol, futbol, stol tennisi, jeńil atletika, gúres, shaxmat túrleri boyınsha jarıslar ótkerilmekte.

Fakultet quramındaǵı kafedralar:

• Sociallıq gumanitar pánler kafedrası
• Anıq hám tábiyiy pánler kafedrası

Bilimlendiriw baǵdarları:

1.  Matematika oqitiw metodikası.
2. Dene mádeniyatı
3. Ózbek tili va adabiyoti.
4. Ingliz tili va adabiyoti
5. Baslawısh tálim hám sport tárbiyalıq jumıs
6. Mektepke shekemgi bilimlendiriw