Нөкис қалалық Санитариялық-эпидемиологиялық тынышлық ҳәм жәмийетлик саламатлық бөлиминиң 2021-жыл 27-майдағы №3-1305-санлы хаты тийкарында, Әжинияз атындағы Нөкис мәмлекетлик педагогикалық институты шет тиллери факультети студентинде коронавирус инфекциясы анықланғаны себепли усы факультет студентлери 2021-жылдың 27-май сәнесинен баслап оқыў процесин онлайн (аралықтан) тәризде даўам еттиреди.

Сондай-ақ, географияны оқытыў методикасы тәлим бағдары оқытыўшысында «COVID-19» вирусы анықланғаны себепли, усы тәлим бағдарының 3-курс студентлериниң оқыўы онлайн (аралықтан) тәризде алып барылады.

Әжинияз атындағы Нөкис мәмлекетлик педагогикалық институты баспасөз хызмети.