ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde magistraturanıń qánigelik pánlerinen imtixanlar ótkeriw kestesi tastıyıqlandı

Ájiniyaz atındaǵı Nókis mámleketlik pedagogikalıq institutı magistratura qánigeliklerine hújjet tapsırǵan abiturientlerdiń qánigelik pánlerinen imtixanlar 2021-jıldıń 14-17-avgust kúnleri aralıǵında tastıyıqlanǵan keste boyınsha kúnine 2 smenada – birinshi smena 09:00 – 11:30 aralıǵında, ekinshi smena 15:00 – 17:30 aralıǵında instituttıń bas imaratında bolıp ótedi (Túrkiy tiller fakulteti imaratı). Imtixanlarda qatnasatuǵın abiturientler belgilengen waqıttan bir saat aldın keliwi, keshigip qalmawı usınıs etiledi.

Abiturientlerge esletpe:

1) Imtixanlarǵa belgilengen múddette shaxsıńızdı tastıyıqlawshı puqaralıq pasportı (yamasa ID-kartası) hám magistr.edu.uz platformasındaǵı jeke kabinetińizden arzańızdı rásmiylestirgen «Dizimge alıw beti» menen kórsetilgen waqıttan keshikpey jetip keliwińiz soraladı. Keshikken abiturientler hám pasportınıń túp nusqasın kórsetpegen abiturient imtixanǵa kirgizilmeydi.

2)Imtixan procesine ózińiz ushın zárúr bolǵan ruchka, medicinalıq nıqap (maska), medicinalıq qolǵap, antiseptik zatların alıp keliwińiz zárúr.

3) Imtixanlardı ótkeriw waqtında mobil telefon, kalkulyator, planshet, sózlik, qoyın dápter hám sumkalar menen kiriw jáne olardan paydalanıw qatań túrde qadaǵan etiledi.

4) Imtixan procesinde qasındaǵı abiturient penen sóylesilse, shpargalkalardan paydalanılsa, abiturient tiyisli tártipte akt dúzilip, imtixannan shıǵarıp jiberiledi.

Húrmetli abiturientler, joqarıda kórsetilgen imtixan baslanıw waqtınan bir saat aldın keliw (toparlarǵa bóliw, barlaw hám t.b.) usınıs etiledi.

Júklep alıw НМПИ магистратураның қәнигелик пәнлеринен имтиханлар кестеси 2021

NMPI baspasóz xızmeti.