ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Endi Prezident stipendiyası hár bir joqarı oqıw ornınan bir studentke beriledi

2021-2022-oqıw jılınan baslap:

— Ózbekstan Respublikası Prezidenti mámleketlik stipendiyasınıń kvotası tayanısh doktoranturada oqıp atırǵan doktorantlar hám magistratura basqıshı studentleri ushın eki esege kóbeytilip, tiyisli túrde 10 hám 22 etip, sonday-aq, bakalavriat basqıshı studentleri ushın bolsa hár bir joqarı oqıw ornına birewden etip belgilenbekte.

Bul haqqında Ózbekstan Respublikası Prezidenti Sh.Mirziyoevtiń 2021-jıl 9-sentyabrdegi «Respublikalıq joqarı bilimlendiriw mákemelerinde oqıp atırǵan, ilimiy-izertlew jumısları menen shuǵıllanıp atırǵan qábiletli jaslardı bunnan bılay da qollap-quwatlaw haqqında»ǵı pármanında atap ótilgen.

Maǵlıwmat ornında atap ótiw kerek, buǵan shekem Prezident stipendiyası ulıwma Ózbekstan kóleminde bakalavriat hám magistratura ushın belgilengen 11 baǵdar boyınsha óz aldına beriletuǵın edi.

Sonıń menen birge, usı pármanǵa muwapıq, Ózbekstan Respublikası Prezidenti hám ataqlı stipendiyalar mámleketlik joqarı oqıw orınlarınıń qospa bilimlendiriw baǵdarlamaları tiykarında oqıp atırǵan jáne respublikada jumıs alıp barıp atırǵan sırt ellerdiń joqarı bilimlendiriw shólkeminiń filialları hám mámleketlik emes joqarı bilimlendiriw shólkemleriniń bakalavriat basqıshı studentleri ushın da engizilmekte.

Islam Matekov,
NMPI baspasóz xatkeri.