Ájiniyaz atındaǵı Nókis mámleketlik pedagogikalıq institutında 2021-2022-oqıw jılı ushın eselengen kontrakt («super kontrakt») tiykarında oqıwǵa qabıllaw ushın abiturientlerden arzalar qabıl etilip baslanǵanın málim etemiz.

Arzalardı instituttıń Túrkiy tiller fakulteti imaratında qabıllaw jolǵa qoyılǵan.

Mánzil: Nókis qalası, P.Seytov kóshesi nomersiz jay (burınǵı Gidromelioraciyalıq kolledj).

Abiturientler ózleri menen birge:

1) Shaxsın tastıyıqlawshı hújjettiń (pasport yamasa ID-karta) túp nusqası;
2) Abiturient ruxsatnaması;
3) Test juwapları betinen kóshirmeni alıp keliwi kerek.

Arzalar hápteniń dúyshembi kúninen shembi kúnleri aralıǵında, saat 09:00 den 18:00 ge shekem (shembi kúni saat 09:00 den 17:00 ge shekem) qabıllanadı. Túslik waqtı: 13:00 den 14:00 aralıǵında. Ekshembi kúni arzalar qabıl etilmeydi.

Maǵlıwmat ornında atap ótiw kerek, abiturientler «super kontrakt» boyınsha házirshe arza tapsırıwı múmkin, al shártnamalardı rásmiylestiriw ele jolǵa qoyılmadı.

Sonı qosımsha etiw orınlı, ÓzR Joqarı hám orta arnawlı bilimlendiriw ministrliginiń málim etiwinshe, «super kontrakt» boyınsha arzalar usı jıldıń 1-oktyabrine shekem qabıllanadı.

NMPI baspasóz xızmeti.