Aldın xabar bergenimizdey, Ózbekstan Respublikası mámleketlik joqarı oqıw orınlarına 2021-2022-oqıw jılı ushın magistratura qánigelikleriniń kiriw imtixanlarında qatnasıp, qánigelik pánnen belgilengen maksimal balldıń 40 procenti (40 ball) hám onnan joqarı ball toplaǵan abiturientlerdi tiyisli joqarı oqıw ornı tárepinen belgilengen tólemli kontrakt tiykarında ballar izbe-izligine qatań ámel etken halda qosımsha qabıllawǵa ruxsat berilgen edi.

Ózbekstan Respublikası Prezidentiniń 2021-jıl 22-iyundaǵı PQ-5157-sanlı qararına muwapıq, magistratura qánigeliklerine qosımsha qabıllawda tólemli kontrakt muǵdarı bir studenttiń oqıwı ushın sarplanatuǵın qárejet muǵdarınan kelip shıqqan halda joqarı oqıw ornı tárepinen belgileniwi atap ótilgen edi.

Ájiniyaz atındaǵı Nókis mámleketlik pedagogikalıq institutı magistratura qánigeliklerine qosımsha kontrakt tiykarında qabıllawda tólemli kontrakt muǵdarı stipendiyasız kóriniste 11 019 000 sum, al stipendiyalı kóriniste 17 233 560 sum etip belgilengenligin málim etemiz.

Tólemli kontrakt boyınsha shártnama dúziw hám kontrakt muǵdarınıń keminde 50 procentin tólewdiń sońǵı múddeti 2021-jıl 20-noyabr etip belgilengen.

Maǵlıwmat ornında atap ótiw orınlı, koronavirus infekciyasına qarsı vakcina alǵan hám sertifikat tapsırǵan barlıq studentlerge tólemli kontrakt summasına bir mártelik 10 procentlik shegirme bonusı beriledi.

NMPI baspasóz xızmeti.