Ózbekstan Respublikası Joqarı hám orta arnawlı bilimlendiriw ministriniń ilim hám innovaciyalar boyınsha orınbasarı Raximjon Xakimov Qaraqalpaqstan Respublikasında xızmet saparında bolıp turıptı.

Sapar sheńberinde ministr orınbasarı búgin, 1-dekabr kúni Ájiniyaz atındaǵı Nókis mámdeketlik pedagogikalıq institutında jaslar ushın jaratılıp atırǵan sharayatlar menen tanıstı.

Házirgi waqıtta rekonstrukciya jumısları juwmaqlanıw aldında turǵan instituttıń 600 orınlıq studentler turaq jayında ámelge asırılıp atırǵan qurılıs-abadanlastırıw jumısların kózden ótkerip, jaslar ushın dem alıw, bos waqıtların mazmunlı ótkeriw, awqatlanıw, sonday-aq, basqa da sharayatlardı jaratıw baǵdarındaǵı jumıslar boyınsha institut rektorı B.Otemuratov jáne basqa juwapkerler menen pikir almastı hám tiyisli usınısların bildirdi.

NMPI baspasóz xızmeti.