Xabarıńız bar, Joqarı hám orta arnawlı bilimlendiriw ministrligi tárepinen studentlerge qolaylıq jaratıw, turaqlı jasaw orınlarınan bilimlendiriw mákemelerine qáwipsiz, tıǵızlıqlarsız jetip keliwi, orınlarda avia hám temir jol biletlerin almastırıw, studentler turaq jayları, ijara tiykarında jasaytuǵın studentlerdiń artıqsha qıyınshılıqlarsız ornalasıwın támiyinlew maqsetinde joqarı bilimlendiriw mákemelerinde oqıw processleri 7-fevraldan 24-fevralǵa shekem basqıshpa-basqısh dástúriy formatqa ótkeriliwi, bul process hár bir joqarı oqıw ornınıń ishki imkaniyatları, oqıw procesiniń házirgi jaǵdayı, barlıq sharayatların esapqa alǵan halda ayrıqsha joba-grafik tiykarında ámelge asırılatuǵını belgilengen edi.

Ájiniyaz atındaǵı Nókis mámleketlik pedagogikalıq institutında dástúriy oqıw procesi barlıq kurs studentleri (bakalavriatura hám magistratura) ushın 2022-jıldıń 7-fevral sánesinen baslanatuǵınlıǵın málim etemiz.

Bunda studentler juwmaqlawshı qadaǵalaw imtixanların pánlerdiń ózgesheliklerinen kelip shıǵıp dástúriy yamasa onlayn tárizde tapsırıwı múmkin boladı.

Maǵlıwmat ornında atap ótiw kerek, institut studentleri ushın báhárgi semestr 14-fevraldan baslanadı.

NMPI baspasóz xızmeti.