ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ministr Abduqodir Toshqulov NMPIge keldi

Ózbekstan Respublikası Joqarı hám orta arnawlı bilimlendiriw ministri Abduqodir Toshqulov búgin, 23-fevral kúni Ájiniyaz atındaǵı Nókis mámleketlik pedagogikalıq institutınıń tariyx hám tábiyǵıy pánler fakultetleri jaylasqan imaratqa keldi.

Bul jerde qurılıwı belgilenip atırǵan sport zalı hám lekciya auditoriyasınıń joybarı menen tanıstı.

Sonday-aq, tábiyǵıy pánler fakultetindegi laboratoriyalardı kózden ótkerip, olardı zamanagóy talaplarǵa juwap beretuǵın etip qayta úskenelew, studentlerdiń ilimiy-izertlew jumısların alıp barıwı ushın múnásip sharayatlar jaratıw boyınsha tapsırmalar berdi.

Sonıń menen birge, instituttıń usı imaratındaǵı málimleme-resurs orayı hám tariyx fakulteti quramında shólkemlestirilgen akademik J.Bazarbaev muzeyinde bolıp, student-jaslardıń ilim-bilim sırların tereń meńgeriwi ushın jetispeytuǵın ilimiy ádebiyatlar menen birge kórkem-ádebiy kitaplardı da kóbirek alıp keliw boyınsha usınısların bildirdi.

NMPI baspasóz xızmeti.