«Úmit ushqını» kókirek belgisine múnásip dep tabılǵan NMPI studentleri xoshametlenedi
Aldın xabar bergenimizdey, Ózbekstan professional futbol ligasınıń Birinshi ligasında joqarı nátiyjelerge erisip, Proliga jollamasın qolǵa kirgizgen Qaraqalpaqstan Respublikasınıń «Aral» professional futbol klubı aǵzaları bolǵan Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 7 studenti Qaraqalpaqstan Respublikası Joqarǵı Keńesiniń Baslıǵı Amanbay Orınbaev tárepinen «Úmit ushqını» kókirek belgisi menen sıylıqlanǵan edi.
Instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov usı studentler hám olardıń ustazları menen ushırasıp, olardı qolǵa kirgizgen tabısları menen qutlıqladı.
Ushırasıwda prorektor student-jaslardı jıl juwmaǵı ilajlarında institut rektoratı tárepinen joqarı dárejede sıylıqlanıp, xoshametlenetuǵınlıǵın atap ótti hám jaslarǵa, olardıń ustazlarına minnetdarshılıq bildirdi.
NMPI baspasóz xızmeti.