Ájiniyaz atındaǵı Nókis mámleketlik pedagogikalıq institutı 50 den aslam  abıroylı sırt el joqarı oqıw orınları menen xalıqaralıq birge islesiw boyınsha shártnama hám memorandumlar dúzdi.

Sоńǵı jılları Ózbekstan Respublikası bilimlendiriw sisteması sanlı transformaciya dáwirin bastan ótkerip atır. Bul bolsa aralıqtan oqıtıw, oqıw platformaları, elektron bilimlendiriw, mobil qurılmalar hám taǵı basqa da kóplegen baǵdarlardı rawajlandırıwǵa xızmet etpekte.

Usı tiykarda Nókis mámleketlik pedagogikalıq institutınan 10 professor-oqıtıwshı Qazan federal universiteti menen birge islesiw memorandumı sheńberinde Filologiya hám mádeniyatlar aralıq kommunikaciya institutında “Sanlı bilimlendiriw texnologiyası EduTech” orayında “Gumanitar cikldaǵı pánlerde sanlı texnologiyalar” kursında qánigeligin jetilistirmekte.

Kurslarda NMPIdiń 10 professor-oqıtıwshısı bilimlendiriwdi sanlastırıwdı ózlestirmekte. Xabar-kommunikaciya texnologiyaları imkaniyatlarınan paydalanıw hám oqıw prosesine engiziw, sonday-aq, gumanitar pánlerdi oqıtıwda paydalanatuǵın elektron bilimlendiriw resurslarınan paydalanıwdı úyrenbekte.