ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Kásiplik (dóretiwshilik) imtixanlar ótkeriletuǵın orınlar hám jaratılǵan sharayatlar kózden ótkerildi

Búgin, 23-iyul kúni Ózbekstan Respublikası Joqarı bilimlendiriw, ilim hám innovaciyalar ministrliginen kelgen wákiller tárepinen Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın bakalavriattıń ayrıqsha qábilet talap etiletuǵın tálim baǵdarlarına ótkeriliwi jobalastırılǵan kásiplik (dóretiwshilik) imtixanlarǵa tayarlıq processleri kózden ótkerildi.

Ministrlik janındaǵı Student hám oqıwshılardıń ruwxıy jetilisiwine kómeklesiw orayınıń direktorı Ravshanbek Xudayberganov hám usı oray bólim baslıǵı Shaxzod Raxmonov basshılıǵındaǵı wákillerge institut prorektorı Quvondiq Qodirov hám qabıllaw komissiyasınıń juwaplı xatkeri Polatbek Kalxanov bakalavriattıń dene mádeniyatı, muzıkalıq tálim, súwretlew óneri hám injenerlik grafikası, sonday-aq, mektepke shekemgi hám baslawısh tálimde dene tárbiyası hám sport tálim baǵdarlarına ótkeriletuǵın kásiplik (dóretiwshilik) imtixanlar ótkeriletuǵın orınlardı kórsetip, bul jerde imtixanlardıń ádil hám ashıq-aydın ótiwi ushın jaratılǵan sharayatlar, atap aytqanda, imtixan procesin onlayn rejimde baqlap barıw, kútiw orınları kózden ótkerildi.

Esletip ótemiz, institutta joqarıda atap ótilgen bakalavriat tálim baǵdarlarına kásiplik (dóretiwshilik) imtixanlar usı jıldıń 24-iyul hám 1-avgust kúnleri aralıǵında ótkeriliwi belgilengen.

NMPI baspasóz xızmeti.