ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ministr Nókis mámleketlik pedagogikalıq institutı jańa oqıw imaratınıń qurılıs jumısları menen tanıstı

Joqarı bilimlendiriw, ilim hám innovaciyalar ministri, akademik Ibrohim Abdurahmonov Qaraqalpaqstan Respublikasına saparı dawamında Ájiniyaz atındaǵı Nókis mámleketlik pedagogikalıq institutınıń qurılıs jumısları alıp barılıp atırǵan jańa oqıw imaratın kózden ótkerdi.

2 mıń orınlıq jańa oqıw imaratınıń qurılısı ushın mámleketlik byudjetten 75 milliard sum qarjı ajıratılǵan bolıp, búgingi kúnde sońǵı pardozlaw jumısları dawam etpekte.

Institut rektorı Bayrambay Otemuratov qurılıstıń barısı, oqıw hám laboratoriya xanaları, málimleme-resurs hám informaciyalıq texnologiyalar orayları, jaslardıń bos waqıtların mazmunlı ótkeriw ushın ajıratılatuǵın auditoriyalardıń úskeneleniwi haqqında maǵlıwmatlar berdi.

Ministr oqıw imaratına qaraqalpaq klassik ádebiyatınıń ullı wákilleri Ájiniyaz Qosıbay ulı hám Berdaq Ǵarǵabay ulı, sonday-aq, basqa da dóretiwshi tulǵalar, belgili ilimpazlardıń portretlerin hámmege kórinetuǵın orınlarǵa qıstırıp qoyıw, studentler ushın qosımsha sharayatlar jaratıw boyınsha óz usınısların bildirdi.

Sonıń menen birge, qurılıstı alıp barıp atırǵan kárxana basshıları menen sáwbetlesip, jumıslardı óz waqtında, sapalı etip pitkeriw boyınsha tiyisli tapsırmalar berdi.

NMPI baspasóz xızmeti.