ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

NMPIde «Mánawiyat marafonı»nıń saltanatlı ashılıw máresimi bolıp ótti

Búgin, 10-noyabr kúni Qaraqalpaqstan Respublikasınıń barlıq qala hám rayonlarında «Biz bir bolsaq – bir xalıqpız, birlessek – Watanbız!» súreni tiykarında «Mánawiyat marafonı» bolıp ótpekte.

Ulıwma 11 ilajdı óz ishinde jámlegen «Mánawiyat marafonı»nıń saltanatlı ashılıw máresimi Ájiniyaz atındaǵı Nókis mámleketlik pedagogikalıq institutında ótkerildi.

Ilajda Qaraqalpaqstan Respublikası Ministrler Keńesi Baslıǵınıń orınbasarı R.Nurazizov, Respublikalıq Ruwxıylıq hám aǵartıwshılıq orayı Qaraqalpaqstan Respublikalıq bólimi baslıǵı T.Atamuratov, institut rektorı wazıypasın waqıtsha atqarıwshısı Q.Qodirov, Qaraqalpaq mámleketlik universiteti professorı Q.Ismayılovlar sózge shıǵıp, «Mánawiyat marafonı»n shólkemlestiriwdiń áhmiyeti haqqında aytıp ótti hám barlıq qatnasıwshılardı qutlıqladı.

Ashılıw máresimi institut jámááti, professor-oqıtıwshılar hám student-jaslardıń qolǵa kirgizgen tabısları, súwretlew hám qol óneri úlgileri, kitaplar kórgizbeleri menen baslandı.

Instituttıń «Tumaris» qosıq hám ayaq-oyın xalıq ansambli, sonday-aq, «Sıy perde», «Tarannum» ansamblleri hám talantlı studentler atqarıwındaǵı koncert baǵdarlaması ilaj qatnasıwshılarınıń názerine usınıldı.

NMPI baspasóz xızmeti.