Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın Ózbekstan Respublikası Prezidenti mámleketlik stipendiyası, ataqlı mámleketlik stipendiyalar hám institut kólemindegi Ájiniyaz Qosıbay ulı stipendiyasına hújjetlerdi qabıllaw baslanǵanlıǵın járiyalaymız.

Ózbekstan Respublikası Prezidenti mámleketlik stipendiyası tańlawına barlıq bakalavriat tálim baǵdarlarınıń pitkeriwshi kurs studentleri hám magistratura qánigelikleriniń pitkeriwshi kurs magistrantları, Nawayı, Islam Karimov, Tólepbergen Qayıpbergenov, Ibrayım Yusupov mámleketlik stipendiyaları tańlawına barlıq bakalavriat tálim baǵdarlarınıń sońǵı eki kursında oqıp atırǵan studentler, institut kólemindegi Ájiniyaz Qosıbay ulı stipendiyası tańlawına barlıq bakalavriat tálim baǵdarları boyınsha 2-3-4-kurs studentleri, magistratura qánigelikleriniń 2-kurs magistrantları hám akademiyalıq liceydiń 2-kurs oqıwshıları qatnasıwı múmkin.

Zahiriddin Muhammed Babur atındaǵı mámleketlik stipendiyalar tańlawına tariyx hám geografiya baǵdarında oqıp atırǵan studentler, Pahlavon Mahmud atındaǵı mámleketlik stipendiyalar tańlawına dene mádeniyatı baǵdarında oqıp atırǵan studentler qatnasadı.

Talabanlardıń hújjetleri tómendegi kriteriyalar tiykarında qabıl etiledi:
1) HEMIS sistemasınan ózlestiriw kórsetkishi (transkript) tastıyıqlanǵan formada;
2) Dekanat hám kafedra usınısı;
3) Ilimiy basshısınıń pikir-usınısı;
4) Ilimiy jumıslarınıń dizimi tastıyıqlanǵan formada;
5) Ilimiy-dóretiwshilik jumıslarınıń baspa nusqaları;
6) Studentlik dáwirinde erisilgen qosımsha jetiskenliklerin tastıyıqlaytuǵın hújjetler (diplom, sertifikat);
7) Pasport nusqası;
8) Fotosúwret 3×4 sm ólshemde 2 dana, 6×8 sm ólshemde 1 dana;
9) Maǵlıwmatnama (obyektivka).

Eskertiw: Hújjetler qaǵaz formasında papkaǵa salınǵan halda qabıl etiledi.

Hújjetler usı jıldıń 28-iyun kúninen 15-iyul kúnine shekem instituttıń ziyrek studentlerdiń ilimiy jumısların shólkemlestiriw bóliminde qabıllanadı.

Qosımsha maǵlıwmat ushın telefon: +998 91 387 87 44