Aldın xabar bergenimizdey, Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi baslaması menen student-jaslardıń bos waqıtların mazmunlı ótkeriw, joqarı mánawiyatlı, erkin pikirleytuǵın jaslardı tárbiyalaw, olardıń intellektual oylaw qábiletin jetilistiriw hám qollap-quwatlaw maqsetinde «Intellektual olimpiada» shólkemlestirildi.

2-aprel kúni «Zakovat» hám «Zakovat Quiz», 3-aprel kúni «Breyn-ring» boyınsha bolıp ótken intellektual oyınlarǵa barlıq fakultetlerden bakalavr tálim baǵdarları studentleri, sonday-aq, magistratura qánigeliklerinde bilim alıp atırǵan magistrant jaslardan dúzilgen 32 komanda qatnastı.

Oǵada qızǵın túrde ótken turnir juwmaǵında:

1-orın – Pedagogika-psixologiya hám dóretiwshilik tálim fakultetiniń «Dembermes»;
2-orın – Tariyx fakultetiniń «Shejire»;
3-orın – Anıq pánler fakultetiniń «Alfa» komandalarına nesip etti.

«Intellektual olimpiada»nıń sıylıqlaw ilajında institut rektorı w.w.a. Quvondiq Qodirov qatnasıp, jeńimpazlardı qutlıqladı hám barlıq qatnasıwshılarǵa minnetdarshılıq bildirdi.

Jeńimpazlar hám sıylı orın iyeleri diplom jáne bahalı sawǵalar menen sıylıqlanadı.

NMPI baspasóz xızmeti.