Ájiniyaz atındaǵı Nókis mámleketlik pedagogikalıq institutında studentlerdiń ilimiy-izertlew jumıslarına bolǵan qızıǵıwshılıǵın arttırıw, qábiletli jaslardı qollap-quwatlaw hám intellektuallıq rawajlanıwı ushın sharayatlar jaratıw maqsetinde ximiya, biologiya hám fizika boyınsha pán olimpiadasınıń institut basqıshı bolıp ótti.

Pán olimpiadasına tiyisli bakalavriat tálim baǵdarlarında bilim alıp atırǵan pitkeriwshi kurs studentleri qatnastı.

Olimpiada 2 tur – jazba jumıs hám ámeliy tapsırmalar basqıshınan ibarat boldı.

Institut basqıshında hár bir pán boyınsha 1-, 2- hám 3-orınlardı iyelegen studentler pán olimpiadasınıń respublikalıq basqıshına jollama aldı.

Maǵlıwmat ornında atap ótiw kerek, pán olimpiadasınıń respublikalıq basqıshında 1-, 2- hám 3-orınlardı iyelegen studentler arnawlı diplom, sonday-aq, sáykes túrde bazalıq esaplaw muǵdarınıń 50, 40, 30 esesi muǵdarında aqshalay sıylıqlanadı hám joqarı oqıw orınlarınıń tiyisli qánigelikler boyınsha magistratura basqıshına oqıwǵa jeńillikli túrde qabıllanıwı boyınsha Mámleketlik komissiyaǵa usınıs beriledi.