Ájiniyaz atındaǵı Nókis mámleketlik pedagogikalıq institutı málimleme-resurs orayında Tariyx fakulteti dekanatınıń baslaması menen ullı mámleketlik ǵayratker hám sárkarda, ilim, mádeniyat hám kórkem óner qáwenderi Sahıpqıran Ámir Temur tuwılǵanınıń 690 jıllıǵına arnalǵan «Temuriyler Renessansı hám Jańa Ózbekstan» atamasındaǵı shıǵarmalar tańlawı bolıp ótti.

Tańlawǵa instituttıń barlıq fakultetlerinen qábiletli, dóretiwshi student-jaslar qatnastı.

Ilajda instituttıń Tariyx fakulteti dekanı Maman Sarıbaev sózge shıǵıp, qatnasıwshılardı qutlıqladı hám tańlaw shártleri haqqında tolıq maǵlıwmat berdi.

Tańlawda studentlerdiń dóretiwshilik jumısları arnawlı komissiya quramı – Qaraqalpaq mámleketlik universiteti Tariyx fakulteti arxeologiya kafedrası professorı w.a. Gúlistan Karamanova, sonday-aq, Ózbekstan hám Qaraqalpastan tariyxı kafedrası docenti Zulxandiyar Qıdırniyazov tárepinen bahalandı.

Tańlaw juwmaǵı boyınsha jeńimpazlar hám sıylı orın iyeleri anıqlanıp, shólkemlestiriwshiler tárepinen sıylıqlanadı.

NMPI baspasóz xızmeti.