Ájiniyaz atındaǵı Nókis mámleketlik pedagogikalıq institutı Tariyx fakultetinde «Ashıq esikler kúni» sheńberinde student-jaslardıń ata-anaları menen ushırasıw bolıp ótti.

Ushırasıwǵa institut rektorı w.w.a. Q.Qodirov, rektor másláhátshisi Ǵ.Ibadullaev, korrupciyaǵa qarsı gúresiw bóliminiń baslıǵı Sh.Shamuratov, fakultet dekanı M.Sarıbaev, kafedra baslıqları, professor-oqıtıwshılar, tyutorlar hám studentlerdiń ata-anaları qatnastı.

Ilajda fakultette oqıp atırǵan studentlerdiń ilimiy potencialın arttırıw, olardı ilimiy-izertlewlerge tartıw, oqıw procesindegi ózlestiriw kórsetkishleri, sabaqlarǵa qatnas, tártip-qaǵıydalarǵa ámel etiw boyınsha maǵlıwmatlar berildi.

Ushırasıw dawamında ata-analar menen jaslar tálim-tárbiyası máselesinde pikir almasıwlar ótkerildi. Orın alıp atırǵan mashqalalardı birgelikte sheshiw boyınsha aldaǵı wazıypalar belgilep alındı.

NMPI baspasóz xızmeti.