Házirgi waqıtta xalqımız, ásirese, jaslar arasında belgisiz siltemeler arqalı arzımaǵan pul esesine ózleriniń jeke maǵlıwmatların óz qolları menen kirgizip atırǵan jaǵdaylar jiyi ushıraspaqta.

Sergek bolıń, siziń jeke maǵlıwmatlarıńız kiberjınayatshılardıń qolına tússe, hár qıylı unamsız jaǵdaylardıń kelip shıǵıwına sebepshi bolıwı múmkin.

Sizge hesh kim biykarǵa pul bermeydi. Ańsat jol menen keletuǵın arzımaǵan aqsha ushın ózińizdiń keleshegińizdi qurban etpeń.

Eger siz belgisiz siltemeler arqalı óz jeke maǵlıwmatlarıńızdı kirgizgen bolsańız tómendegi ámellerdi orınlań:

➖Telefonıńızǵa «MyGov» mobil qosımshasın júklep alıń.
➖Dizimnen ótkennen soń «Xızmetler» menyusı arqalı «Ekonomika hám biznes» bólimine ótiń.
➖Sol jerden «Kredit kelisimin dúziwdi qadaǵan etiw yamasa onı alıp taslaw» xızmetine basıp, óz atıńızǵa kredit shártnamasın dúziwge sheklew ornatıwıńız kerek.

Kiberjınayatlar menen baylanıslı sorawlarıńız bolsa ishki isler uyımlarınıń kiberqáwipsizlik boyınsha qánigelerine múrájat etiwińizdi soraymız.

Kiberjınayatshılardıń duzaǵına túsip qalmań!
Sergek bolıń!
Siziń jeke maǵlıwmatlarıńız – bul siziń qáwipsizligińiz!

NMPI baspasóz xızmeti.