Búgin, 15-aprel kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidentiniń 2026-jıl 5-yanvardaǵı «Respublika máhállelerinde qáwipsiz ortalıqtı jaratıw baǵdarında birden-bir mánzilli islesiw sistemasın engiziwge baǵdarlanǵan qosımsha ilajlar haqqında»ǵı 1-sanlı qararınıń orınlanıwın támiyinlew maqsetinde jumısshı topar tárepinen úyreniw jumısları alıp barıldı.

Úyreniw procesinde institutta bes áhmiyetli baslama sheńberinde ámelge asırılıp atırǵan jumıslar, jaslardıń bos waqtın mazmunlı shólkemlestiriw, olardıń ruwxıy-aǵartıwshılıq dárejesin arttırıw hám sociallıq belsendiligin kúsheytiw baǵdarındaǵı háreketler hár tárepleme tallandı.

Sonday-aq, jumısshı topar aǵzaları tárepinen student-jaslar menen ashıq sáwbetlesiw shólkemlestirilip, olardıń pikir-usınısları tıńlandı. Sáwbetlesiw dawamında jaslar arasında huqıqbuzarlıqlardıń aldın alıw, salamat turmıs tárizin úgit-násiyatlaw hám qáwipsiz ortalıqtı qáliplestiriw máselelerine ayrıqsha itibar qaratıldı.

NMPI baspasóz xızmeti.