Ájiniyaz atındaǵı Nókis mámleketlik pedagogikalıq institutı ulıwma bilim beriw pánleri hám aralıqtan oqıtıw kafedrası tárepinen Qazaqstan Respublikasınan kelgen professor-oqıtıwshılar qatnasıwında ashıq sáwbetlesiw ótkerildi.

Ilajda Abay atındaǵı Qazaq milliy pedagogikalıq universiteti professorı Aziya Jumabaeva «Ana tilin oqıtıwda sanlı texnologiyanı qollanıwdıń ózgeshelikleri», Akademik E.A.Bóketov atındaǵı Qaraǵanda milliy izertlew universiteti professorı Saltanat Abildina «Baslawısh klass muǵallimleriniń pedagogikalıq sheberligi» temalarında studentler menen pikirlesiw alıp bardı.

Sonday-aq, K.I.Sátbaev atındaǵı Qazaq milliy texnikalıq izertlew universiteti professorı Janar Akisheva eki joqarı oqıw ornı arasındaǵı birge islesiw jumısları, universitettiń jetiskenlikleri hám studentlerge jaratılǵan sharayatlar haqqında maǵlıwmatlar berdi.

Ashıq sáwbetlesiw óz ara pikir almasıw hám soraw-juwaplar menen dawam etti.

Ilajdan soń miymanlar instituttaǵı Ájiniyaz Qosıbay ulınıń 200 jıllıǵı múnásibeti menen shólkemlestirilgen muzeyde bolıp, bul jerde qaraqalpaq xalqınıń tariyxı, mádeniyatı, ádebiyatı haqqında bahalı maǵlıwmatlarǵa iye boldı.

Optimized by JPEGmini 3.18.32.260205554-TBTBLNP 0x1cd07143

??????????????????????????????????????????????????????????

Optimized by JPEGmini 3.18.32.260205554-TBTBLNP 0x5b99dfb8