Ájiniyaz atındaǵı Nókis mámleketlik pedagogikalıq institutında studentlerdiń bos waqtın mazmunlı ótkeriw, qábiletli, ziyrek jaslardı anıqlaw, olardıń ruwxıy dúnyasın bayıtıw hám talantlı jaslardı xoshametlew maqsetinde usı jıldıń 22-aprel kúni fakultetler arasında «Quwnaqlar hám ziyrekler» tańlawınıń final basqıshı ótkeriledi.

Final basqıshında:

Filologiya fakultetiniń «Interfak»;
Mektepke shekemgi hám baslawısh tálim fakultetiniń «Qárekeńniń qızları»;
Anıq pánler fakultetiniń «APAN»;
Tariyx fakultetiniń «Wa-ha-ha» komandaları

«Mınaw ne degen imkaniyat» hám «Juldızlı kórinis» shártleri boyınsha ózleriniń saxnalıq sheberliklerin kórsetedi.

Final basqıshına tek ǵana fakultet jaslar awqamı jetekshileri tárepinen beriletuǵın arnawlı biletler menen kiriwińiz múmkin. Biletler BIYPUL!

Bos waqtın joqarı keypiyatta, mazmunlı etip ótkeriwdi qáleytuǵın jaslardı tańlawdıń final basqıshın tamashalawǵa mirát etemiz!

Mánzil: NMPI 4-sanlı oqıw imaratı.
Waqtı: 2026-jıl 22-aprel saat 14:30.

NMPI baspasóz xızmeti.